بۇرىنعى بٸلٸم ۆيتسە-مينيسترٸ ەلميرا سۋحانبەرديەۆانىڭ ۇلىنىڭ قازاسىنىڭ مەن-جايى بەلگٸلٸ بولدى, دەپ حابارلايدى Sputnik اگەنتتٸگٸ.
قايعىلى وقيعا بەيسەنبٸ ٸلە اۋدانىنداعى ٶتەگەن باتىر اۋىلىندا بولعان. ساعات 22:10 كەزٸندە الماتى وبلىسى بويىنشا تٶتەنشە جاعدايلار دەپارتامەنتٸنٸڭ كەزەكشٸلٸك بٶلٸمٸنە ٷيدٸڭ اۋلاسىنداعى باسسەينگە كٸشكەنتاي بالانىڭ باتىپ كەتكەنٸ تۋرالى حابارلاما تٷستٸ.
"وقيعا ورنىنا كەلگەن ٸلە اۋدانى تٶتەنشە جاعدايلار بٶلٸمٸنٸڭ قىزمەتكەرلەرٸ ٷلكەندەردٸڭ قاراۋىنسىز قالعان 2015 جىلى تۋعان بالانىڭ ٷيدٸڭ ماڭىنداعى باسسەينگە قۇلاپ, باتىپ كەتكەنٸن انىقتادى", - دەپ حابارلادى وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸ.
ايتا كەتەيٸك, بٷگٸن ەلميرا سۋحانبەرديەۆانىڭ ەرٸپتەستەرٸ مەن بلوگەرلەر بۇرىنعى بٸلٸم ۆيتسە-مينيسترٸنٸڭ كەنجە ۇلى كٶز جۇمعانىن, ونىڭ باسسەينگە باتىپ كەتكەنٸن حابارلاعان ەدٸ.
سۋحانبەرديەۆانىڭ ەكٸ ٷلكەن قىزى (26 جەنە 17 جاس) جەنە تاعى بٸر 7 جاسار ۇلى بار. ەكٸ اپتا بۇرىن بۇرىنعى ۆيتسە-مينيستردٸڭ ٷستٸنەن قوزعالعان ٸس بويىنشا سوت ٶتٸپ, ونى ەشقايدا كەتپەۋ تۋرالى قولحاتپەن بوساتقان بولاتىن.
