Sýǵa jáne onyń qundylyǵyna degen kózqarasymyzdy ózgertýimiz kerek. Bul týraly búgin QR Investitsiialar jáne damý ministri Jeńis Qasymbek aitty, dep habarlaidy QazAqparat.
«Elimizdiń azamattaryn aýyz sýmen qamtamsyz boiynsha memlekettiń maqsatty saiasaty eleýli nátijelerge qol jetkizdi. Sonymen qatar, sheshimin kútken birqatar máseleler de bar. Birinshiden bul qoǵamnyń sýdy tutynýyna qatysty. Sýǵa degen áleýmettik qatynas tutynýshylyq pen aýyz sýdyń ekonomikalyq quny arasyndaǵy sáikessizdikke ákeldi. Bul qoǵamdyq sanada sý qunynyń túsip ketýine sebep boldy», - dedi ol.
Ministrdiń aitýynsha, tarifterdi áleýmettik turǵydan qalyptastyrý sý arnalaryn qarjylandyrýdyń jetispeýshiligine, júielerdiń jyldam tozýyna, apatty jaǵdailardyń kóbeiýine, sýdyń azaiyp, sapasynyń nasharlaýyna túrtki bolǵan.
«Sýmen jabdyqtaý sektorynyń odan ári damýy negizinen naryqtyq qatynastarǵa tolyqtai qol jetkizýmen bailanysty. Damyǵan elderde sý sharýashylyǵyn basqarý júiesi «paidalan jáne tóle» qaǵidaty boiynsha qalyptasqan. Biz sýǵa jáne onyń qundylyǵyna degen kózqarasymyzdy ózgertýimiz kerek», - dedi Jeńis Qasymbek.
Aita keteiik, QR Parlamenti Májilisinde elimizdiń eldi mekenderin sapaly aýyz sýmen qamtamasyz etýdiń ózekti máselelerine arnalǵan parlamenttik tyńdaý ótýde. Sharaǵa Májilis Tóraǵasy Nurlan Nyǵmatýlin, QR Premer-Ministriniń orynbasary - Aýyl sharýashylyǵy ministri Asqar Myrzahmetov, Qarjy ministri Baqyt Sultanov, múddeli memlekettik organdardyń, ǵylymi-zertteý institýttarynyń ókilderi qatysýda.
