Sýets kanalynyń basqarma basshysy Ýsama Rabia qazirgi ýaqytta konteiner tasymaldaityn kemeniń oqiǵasy qaitalanbas úshin keme qatynasy kanalyn keńeitý máseleleri zerttelip jatqanyn aitty, dep habarlaidy Al Arabiya telearnasy.
Sýets kanalynyń direktsiiasy Ever Green konteiner kemesi qate manevr jasaǵan, sonyń saldarynan keme qatty aýytqyp ketken deidi. Jaǵdaidy shańdy daýyl men qatty jel ýshyqtyryp jibergen.
Bul faktorlar kanal jolynyń kórinýin nasharlatyp, keme qaiyrlap qalǵan. Alaida basqarma aýa raiy faktorlary tótenshe jaǵdaidyń negizgi sebebi emes ekenin aitty. Óitkeni konteinerlik kólikke deiin kanal arqyly dál osyndai aýa raiy jaǵdaiynda shamamen 12 basqa keme sátti ótken.
Qazirgi ýaqytta Jerorta men Qyzyl teńizdi bailanystyratyn Sýets kanalynyń jalpy uzyndyǵy – 193,3 km, tereńdigi – 24 m. Sol sebepti kanal arqyly eń iri kemeler, sonyń ishinde munai quiatyn tankerler de ótedi. Eske sala ketsek, Ever Given konteinerlik kemesi 23 naýryzda Sýets kanalynyń bir magistraldy ońtústik bóligin jaýyp, taiaz jerge turyp qalǵan bolatyn. Kemeni shyǵarý úshin alty kún qajet boldy. Sonyń saldarynan 400-den astam keme óte almai turyp qaldy.
