Sýets arnasyndaǵy keme qozǵalysy azdaǵan úzilisten keiin qalpyna keltirildi, barlyq problema joiyldy. Bul týraly seisenbi kúni Mysyr eliniń sý magistrali basqarmasynyń derekkózi málimdedi, dep habarlaidy TASS aqparattyq agenttigi.
«Arna boiynsha navigatsiia Minerva Nike munai quiýshy tankeriniń tehnikalyq aqaýlary joiylǵan soń qalypty rejimde jalǵasty. Qazirgi kezde qozǵalys turaqty negizde júzege asyrylýda, alańdaýshylyqqa esh sebep joq», - dep habarlady Mysyrdyń sý magistrali basqarmasynan.
Eske sala ketsek, naýryz aiynyń sońynda Sýets arnasynda iri júk kemesi taqyrǵa otyryp qalyp, álemde júktemesi eń kóp saýda baǵdarlarynyń birin buǵattady. Bul jaǵdai tipti taýarlardy jetkizý tizbegindegi daǵdarystyń kúsheiý qaýpin týdyrǵan.
