Búgin Úkimet otyrysynda Premer-Ministr Asqar Mamin kanaldar men sý qoimalaryn salý jáne rekonstrýktsiialaý týraly aityp berdi, dep habarlaidy QazAqparat.
«Memleket basshysy Qasym-Jomart Kemeluly Toqaev sýarmaly jerlerdiń aýdanyn 2025 jylǵa qarai 2,2 mln gektarǵa deiin, al 2030 jylǵa qarai 3 mln gektarǵa deiin keńeitý boiynsha naqty mindetti aiqyndady. Búginde halyq pen ekonomika salalary úshin sý alýdyń jalpy kólemi shamamen 25 tekshe kilometrdi quraidy. Jyl ótken saiyn qajettilikter arta beretin bolady jáne bul - sýdy tiimdi paidalanýdy, eń jańa tehnologiialardy engizýdi, salany tsifrlandyrýdy talap etedi. Tek avtomattandyrylǵan bólý men tasymaldaý esebinen sýdyń artyq jumsalýy jyl saiyn 1,2 tekshe shaqyrymǵa qysqarady», - dedi Mamin.
Osy rette, aldaǵy bes jyldyq kezeńde 120 kanaldy rekonstrýktsiialaý men jańa 9 iri sý qoimasyn salý jóninde sharalar qabyldanady.
«Sonymen qatar, óńirlik deńgeide jaiylymdyq jerlerdegi gidrotehnikalyq qurylystardy, qudyqtardy jańǵyrtýdy, jóndeýdi jáne olarǵa qyzmet kórsetýdi júrgizý qajet. Jalpy, sý qoimalaryn salý jáne jumys istep turǵandaryn jańǵyrtý, sondai-aq sý únemdeý tehnologiialaryn qoldaný – jyl saiyn 6,4 tekshe shaqyrym kóleminde qosymsha sý resýrstaryn jinaýdy qamtamasyz etedi. Bul sharalar «Jasyl Qazaqstan» ulttyq jobasynda da bar. Qabyldanyp jatqan sharalardy qoldaýdy usynamyn», - dedi Premer-Ministr.
