Jambyl oblysyndaǵy Shý stantsiiasynda temirjoldan ótpek bolǵan áieldi poiyz qaǵyp ketti. Oqiǵanyń mán-jaiyn kólik politsiiasy anyqtap jatyr, dep habarlaidy ult.kz.
Kóliktegi politsiia departamentiniń málimetinshe, qaiǵyly oqiǵa 20 shildede bolǵan.
– Temirjol kóliginiń qozǵalysy men ony paidalaný qaýipsizdigi qaǵidalaryn buzý deregi boiynsha Shý stantsiiasyndaǵy politsiia bóliminde qylmystyq is qozǵaldy. Qazirgi ýaqytta qajetti tergeý áreketteri júrgizilip jatyr, – dep habarlady vedomstvonyń baspasóz qyzmeti.
Qazaqstan Respýblikasy Qylmystyq-protsestik kodeksiniń 201-babyna sáikes, sotqa deiingi tergep-tekserýdiń ózge málimetteri jariia etilmeidi.
Eske salaiyq, buǵan deiin Astananyń Lesozavod aýdanynda avtobýs poiyzben soqtyǵysqan bolatyn.
