Sýarmaly jerlerdiń alańy sońǵy 30 jylda 2 eseden astam deńgeide qysqardy. Bul týraly Úkimet otyrysynda QR Aýyl sharýashylyǵy ministriniń mindetin atqarýshy Erbol Qarashókeev aitty, dep habarlaidy QazAqparat.
«Ministrlik mal sharýashylyǵyn damytýdyń turaqtylyǵyn arttyrýǵa baǵyttalǵan júieli sipattaǵy birqatar sharalardy iske asyrýdy josparlap otyr. Birinshiden, bul - eginshilikte naqty ártaraptandyrýǵa qol jetkizý, jerdi paidalanýshylardyń jalǵa alý sharty aiasynda alǵan, aýyspaly egiste azyq daqyldarynyń bolýy kózdelgen ǵylymi negizdelgen aýyspaly egisti saqtaý jónindegi mindettemelerin oryndaýyna nazar aýdarý. Qazirgi ýaqytta bizde azyqtyq daqyldarmen nebári 3 mln gektar qamtylǵan, degenmen 1991 jyly bul kórsetkish respýblika boiynsha 11,5 mln gektar deńgeiinde boldy nemese egistiktiń jalpy alańyndaǵy azyqtyq daqyldardyń úlesi shamamen 33%-ǵa jetti. Bul protsesti baqylaý úshin ǵaryshtyq monitoring jáne Jerdi qashyqtyqtan zondtaý boiynsha zamanaýi tehnologiialardyń múmkindikteri barynsha paidalanylatyn bolady», - dedi Erbol Qarashókeev.
Onyń aitýynsha, klimattyń ózgerýi sý resýrstarynyń ósip kele jatqan tapshylyǵyna ákeldi. Nátijesinde, sýarmaly jerlerdiń alańy sońǵy 30 jylda 2 eseden astamǵa – 3 mln gektardan 1,4 mln gektarǵa deiin qysqardy. Sondyqtan qazirgi zamanǵy sý únemdeý tehnologiialaryna kóshý, ártaraptandyrý sheńberinde ylǵaldy kóp qajet etetin daqyldar alańdaryn qysqartý, sý resýrstarynyń jańa kózderin izdeý esebinen sýaratyn sýdy utymdy paidalaný negizgi sheshimder bolyp otyr.
