سۋارمالى جەرلەردٸڭ الاڭى سوڭعى 30 جىلدا 2 ەسەدەن استام دەڭگەيدە قىسقاردى. بۇل تۋرالى ٷكٸمەت وتىرىسىندا قر اۋىل شارۋاشىلىعى مينيسترٸنٸڭ مٸندەتٸن اتقارۋشى ەربول قاراشٶكەەۆ ايتتى, دەپ حابارلايدى قازاقپارات.
«مينيسترلٸك مال شارۋاشىلىعىن دامىتۋدىڭ تۇراقتىلىعىن ارتتىرۋعا باعىتتالعان جٷيەلٸ سيپاتتاعى بٸرقاتار شارالاردى ٸسكە اسىرۋدى جوسپارلاپ وتىر. بٸرٸنشٸدەن, بۇل - ەگٸنشٸلٸكتە ناقتى ەرتاراپتاندىرۋعا قول جەتكٸزۋ, جەردٸ پايدالانۋشىلاردىڭ جالعا الۋ شارتى اياسىندا العان, اۋىسپالى ەگٸستە ازىق داقىلدارىنىڭ بولۋى كٶزدەلگەن عىلىمي نەگٸزدەلگەن اۋىسپالى ەگٸستٸ ساقتاۋ جٶنٸندەگٸ مٸندەتتەمەلەرٸن ورىنداۋىنا نازار اۋدارۋ. قازٸرگٸ ۋاقىتتا بٸزدە ازىقتىق داقىلدارمەن نەبەرٸ 3 ملن گەكتار قامتىلعان, دەگەنمەن 1991 جىلى بۇل كٶرسەتكٸش رەسپۋبليكا بويىنشا 11,5 ملن گەكتار دەڭگەيٸندە بولدى نەمەسە ەگٸستٸكتٸڭ جالپى الاڭىنداعى ازىقتىق داقىلداردىڭ ٷلەسٸ شامامەن 33%-عا جەتتٸ. بۇل پروتسەستٸ باقىلاۋ ٷشٸن عارىشتىق مونيتورينگ جەنە جەردٸ قاشىقتىقتان زوندتاۋ بويىنشا زاماناۋي تەحنولوگييالاردىڭ مٷمكٸندٸكتەرٸ بارىنشا پايدالانىلاتىن بولادى», - دەدٸ ەربول قاراشٶكەەۆ.
ونىڭ ايتۋىنشا, كليماتتىڭ ٶزگەرۋٸ سۋ رەسۋرستارىنىڭ ٶسٸپ كەلە جاتقان تاپشىلىعىنا ەكەلدٸ. نەتيجەسٸندە, سۋارمالى جەرلەردٸڭ الاڭى سوڭعى 30 جىلدا 2 ەسەدەن استامعا – 3 ملن گەكتاردان 1,4 ملن گەكتارعا دەيٸن قىسقاردى. سوندىقتان قازٸرگٸ زامانعى سۋ ٷنەمدەۋ تەحنولوگييالارىنا كٶشۋ, ەرتاراپتاندىرۋ شەڭبەرٸندە ىلعالدى كٶپ قاجەت ەتەتٸن داقىلدار الاڭدارىن قىسقارتۋ, سۋ رەسۋرستارىنىڭ جاڭا كٶزدەرٸن ٸزدەۋ ەسەبٸنەن سۋاراتىن سۋدى ۇتىمدى پايدالانۋ نەگٸزگٸ شەشٸمدەر بولىپ وتىر.
