2030 jylǵa qarai sýarmaly jerler alańyn 2 ese artady. Bul týraly búgin Úkimet otyrysynda QR Aýyl sharýashylyǵy ministri Erbol Qarashókeev aitty, dep habarlaidy QazAqparat.
«Memleket basshysynyń tapsyrmalaryn oryndaý aiasynda sýarmaly alańdardy 2025 jylǵa qarai 2,2 mln gektarǵa jáne 2030 jylǵa qarai 3 mln gektarǵa jetkizý jumystary jalǵasýda. Sýdy kóp qajet etetin kúrish jáne maqta, sondai-aq masaqty dándi daqyldar siiaqty daqyldardyń úlesiniń azaiýy kútilýde, bul rette dándi masaqty daqyldardy sýarý tek azyqtyq aýyspaly egiste ǵana kózdelgen. Jalpy kórsetilgen sharalar 2030 jylǵa qarai sýarmaly jerler alańyn 2 ese, jalpy jinalymdy 5,6 ese, jalpy paidany 6,4 ese ulǵaitýǵa múmkindik beredi», - dedi Qarashókeev.
Onyń aitýynsha, sýarmaly eginshiliktiń tiimdiligin arttyrý perspektivalary sýarýdyń sý únemdeý tehnologiialaryn keńinen qoldanýmen tyǵyz bailanysty, bul sý shyǵynyn azaitýǵa jáne sý men qorektik zattardy núkteli berý arqyly ónimdilikti arttyrýǵa múmkindik beredi.
«Búgingi kúni sý únemdeý tehnologiialary engizilgen alańdardyń ulǵaiǵany baiqalady, oǵan investitsiialyq sýbsidiialaý yqpal etti. Bul investitsiialyq sýbsidiialaý aiasynda fermerlerdiń qazirgi zamanǵy sýarý júielerin satyp alýǵa, sondai-aq sý alý men berýge arnalǵan búkil qajetti infraqurylymdy júrgizýge jumsaǵan shyǵyndarynyń 50%-y óteledi», - dedi ministr.
