2030 جىلعا قاراي سۋارمالى جەرلەر الاڭىن 2 ەسە ارتادى. بۇل تۋرالى بٷگٸن ٷكٸمەت وتىرىسىندا قر اۋىل شارۋاشىلىعى مينيسترٸ ەربول قاراشٶكەەۆ ايتتى, دەپ حابارلايدى قازاقپارات.
«مەملەكەت باسشىسىنىڭ تاپسىرمالارىن ورىنداۋ اياسىندا سۋارمالى الاڭداردى 2025 جىلعا قاراي 2,2 ملن گەكتارعا جەنە 2030 جىلعا قاراي 3 ملن گەكتارعا جەتكٸزۋ جۇمىستارى جالعاسۋدا. سۋدى كٶپ قاجەت ەتەتٸن كٷرٸش جەنە ماقتا, سونداي-اق ماساقتى دەندٸ داقىلدار سيياقتى داقىلداردىڭ ٷلەسٸنٸڭ ازايۋى كٷتٸلۋدە, بۇل رەتتە دەندٸ ماساقتى داقىلداردى سۋارۋ تەك ازىقتىق اۋىسپالى ەگٸستە عانا كٶزدەلگەن. جالپى كٶرسەتٸلگەن شارالار 2030 جىلعا قاراي سۋارمالى جەرلەر الاڭىن 2 ەسە, جالپى جينالىمدى 5,6 ەسە, جالپى پايدانى 6,4 ەسە ۇلعايتۋعا مٷمكٸندٸك بەرەدٸ», - دەدٸ قاراشٶكەەۆ.
ونىڭ ايتۋىنشا, سۋارمالى ەگٸنشٸلٸكتٸڭ تيٸمدٸلٸگٸن ارتتىرۋ پەرسپەكتيۆالارى سۋارۋدىڭ سۋ ٷنەمدەۋ تەحنولوگييالارىن كەڭٸنەن قولدانۋمەن تىعىز بايلانىستى, بۇل سۋ شىعىنىن ازايتۋعا جەنە سۋ مەن قورەكتٸك زاتتاردى نٷكتەلٸ بەرۋ ارقىلى ٶنٸمدٸلٸكتٸ ارتتىرۋعا مٷمكٸندٸك بەرەدٸ.
«بٷگٸنگٸ كٷنٸ سۋ ٷنەمدەۋ تەحنولوگييالارى ەنگٸزٸلگەن الاڭداردىڭ ۇلعايعانى بايقالادى, وعان ينۆەستيتسييالىق سۋبسيدييالاۋ ىقپال ەتتٸ. بۇل ينۆەستيتسييالىق سۋبسيدييالاۋ اياسىندا فەرمەرلەردٸڭ قازٸرگٸ زامانعى سۋارۋ جٷيەلەرٸن ساتىپ الۋعا, سونداي-اق سۋ الۋ مەن بەرۋگە ارنالعان بٷكٸل قاجەتتٸ ينفراقۇرىلىمدى جٷرگٸزۋگە جۇمساعان شىعىندارىنىڭ 50%-ى ٶتەلەدٸ», - دەدٸ مينيستر.
