Sý únemdeý tehnologiialarymen qamtylǵan alańdar 450 myń gektarǵa deiin jetkiziledi. Bul týraly Úkimet otyrysynda kanaldar men sý qoimalaryn salýdy talqylaý kezinde QR Ekologiia, geologiia jáne tabiǵi resýrstar ministri Serikqali Brekeshev málim etti, dep habarlaidy QazAqparat.
Onyń aitýynsha, osy jylǵy 1 qańtardaǵy jaǵdai boiynsha sý únemdeý tehnologiialarymen qamtylǵan alań respýblika boiynsha 248 myń gektardy qurady. Onyń ishinde ońtústik óńirde 1,25 mln gektardyń tek 5,4 paiyzy nemese 67,7 myń gektary ǵana engizilgen.
«2025 jylǵa qarai Agroónerkásiptik keshendi damytý jónindegi ulttyq jobaǵa sáikes, sý únemdeý tehnologiialarymen qamtylǵan alańdardy 450 myń gektarǵa deiin jetkizý josparlanyp otyr. Bul jyl saiyn 1,5 tekshe kilometr kóleminde sýdy únemdeýge múmkindik beredi. Osyǵan bailanysty, ministrlik Aýyl sharýashylyǵy ministrligimen jáne ákimdiktermen birlesip, alańdardy anyqtai otyryp, barlyq oblystar boiynsha sý únemdeý tehnologiialaryn engizý jónindegi jol kartalaryn ázirleýdi jáne bekitýdi usynady», - dedi Brekeshev.
