Foto: Sý resýrstary jáne irrigatsiia ministrligi
13 óńirde sý tasqyny saldarynyń aldyn alý úshin gidrotehnikalyq qurylystardy jóndeý boiynsha 43 is-shara iske asyryldy. Bul týraly Sý resýrstary jáne irrigatsiia ministrliginiń baspasóz qyzmeti habarlady.
Sý tasqyny kezeńine daiyndyq aiasynda, Sý resýrstary jáne irrigatsiia ministrligi bekitken josparǵa sáikes, 13 óńirdegi gidrotehnikalyq qurylystarda sý tasqyny saldarynyń aldyn alýǵa baǵyttalǵan 43 is-shara júzege asyryldy.
Atap aitqanda, Aqmola, Aqtóbe, Atyraý, Shyǵys Qazaqstan, Jambyl, Batys Qazaqstan, Qaraǵandy, Qostanai, Qyzylorda, Soltústik Qazaqstan, Túrkistan, Abai jáne Jetisý oblystarynda jumystar júrgizildi.
— Josparǵa gidrotehnikalyq qurylystardy aǵymdaǵy jóndeý, kanaldardy tazartý jáne jaǵalaý nyǵaitý jumystary kirdi. Mysaly, Aqmola oblysynda Shaǵalaly jáne Sileti sý qoimalary, sondai-aq «Alva» limandyq sýarý júiesi jóndeýden ótti. Abai oblysynda Shar sý qoimasynyń qorǵanys bógeti salyndy. Soltústik Qazaqstan oblysynda Sergeev gidrotorabynda jaǵalaý nyǵaitý jumystary júrgizildi, — dedi Sý resýrstary jáne irrigatsiia vitse-ministri Erbolat Ibraihanov.
Aita ketelik Bozymbaev Qulsary, Atyraý jáne Aqtóbe oblystaryndaǵy qaýipti aimaqtardy teksergen edi.
