Qazaqtelekom Qostanai oblysynyń Altynsarino aýylyn «radio kópir» symsyz tehnologiiasy boiynsha joǵary jyldamdyqty internetke qosty. Jyldamdyqty internettiń artyqshylyqtaryn baǵalaǵan alǵashqy klientter - sý tasqynynan zardap shekkenderge turǵyzylǵan «Taza bulaq» shaǵyn aýdanynyń turǵyndary.
Kóktemgi sý tasqyny kezinde Altynsarino aýylyndaǵy 74 turǵyn úidi sý basty. Basym kópshiligin qalpyna keltirý múmkin emes edi. Sol kezde bireýlerge oblys ortalyǵynan páter berildi, al endi biri týǵan mekennen ketkisi kelmei qalyp qoidy. Olarǵa 21 úi tuǵyzylyp, jańa «Taza bulaq» shaǵyn aýdany paida boldy. Munda jańa baspana ieleri úshin barlyq qolaily jaǵdai jasalǵan. Buǵan qosa Qazaqtelekom bazalyq stantsiia ornatyp, zamanaýi bailanys qyzmetterin paidalaný múmkindigin syilady.
«Kompaniia qalys qala almady. Tehnikalyq múmkindikterdi baǵalai otyryp, «radio kópir» tehnologiiasy boiynsha málimet taratýǵa qatynaý núktesin uiymdastyrýdy sheshtik. Jańa shaǵyn aýdanda ornatylǵan bazalyq stantsiia turǵyndarǵa joǵary jyldamdyqty internet qyzmetin usynady. Aldaǵy ýaqytta qamtý aýmaǵyn keńeitip, bul aýyldy tolyǵymen jyldamdyqty internetpen qamtamasyz etý josparda bar», - dep atap ótti «Qazaqtelekom» AQ JDB Qostanai QJPD direktory Saken Iskakov.
Altynsarino Elena Shtýtstiń týyp ósken aýyly. Tobyl ózeniniń mańynda turǵandyqtan ol sý tasqynynyń talaiyn kórgen. Biylǵy kóktemde onyń úiin túgeldei topan sý basqan. Aýyl turǵynynyń aitýynsha memleket zardap shekkenderdi qamqorlyqsyz qaldyrmai, kómek beretinine sengen. Alaida dál osyndai bolaryn kútpegen eken.
«Memlekettiń kórsetken kómeginiń arqasynda búgin biz úlken, barlyq jaǵdai jasalǵan jaily úide turyp jatyrmyz. Bizge tek joǵary jyldamdyqty internet jetispei tur edi. Qazaqtelekomnyń arqasynda bul másele de sheshildi. Biz uzaq jyldan beri kompaniia qyzmetterin paidalanyp kelemiz. Sondyqtan shaǵyn aýdanda tehnikalyq múmkindik paida bolǵanda alǵashqy bolyp qyzmetterdi qosýǵa ótinim berdik. Endi nemerelerim súiikti mýltfilmderin qarasa, al qyzym qashyqtyqtan jumys istei alady. Otbasymyzdyń eshtenege alańdamai ómir súrýi úshin barlyǵy bar», - deidi Altynsarino aýylynyń turǵyny Elena Shtýts.
Aita keteiik, «radio kópir» boiynsha symsyz internet jelisine qatynaý – bul optikalyq jeli tartýdyń balama sheshimi. Búgingi kúni Qostanai oblysynda atalǵan tehnologiia boiynsha jyldamdyqty internet 19 aýyldyń turǵyndaryna usynylady.
