Foto: videodan kadr
Ulytaý oblysynda tabiǵi resýrstar basqarmasynyń basshysyna qatysty qyzmettik ókilettigin asyra paidalaný faktisi boiynsha qylmystyq is qozǵaldy. Onyń «Jezdi ózenin sanitariialaý» jobasyna bailanysty qyzmetine Qarjylyq monitoring agenttigi nazar aýdardy, dep habarlaidy Ult.kz.
Tergeý barysynda qurylys normalarynyń buzylǵany jáne jobalyq qujattamadan aýytqýlar anyqtaldy. Bul jobaǵa sáikes anyqtalǵan sý ótkizý qabiletin tómendetip jibergen. Qamaýǵa alynǵan basqarma basshysy naqty oryndalmaǵan jumystardyń aktilerine qol qoiǵan. Tehnikalyq jáne avtorlyq qadaǵalaýshylar da qurylys nysanyna barmai-aq oryndalǵan jumystar aktilerine qol qoiǵan.
Osy laýazymdy tulǵalardyń áreketteri 2024 jyldyń kókteminde oryn alǵan tótenshe sý tasqyny jaǵdaiynda 10 jeke úidiń sý astynda qalýyna alyp keldi. Sý tasqyny kezinde Jezdi kentindegi 24 jeke úiden 108 adam, sonyń ishinde 56 bala evakýatsiialandy.
