Foto:gov.kz
Ol sý basqan úige kirip, zattardy urlap artynsha izin sýytqan dep habarlaidy, Ulysmedia.kz.
Oqiǵa Batys Qazaqstan oblysynda bolǵan. Derqul kentinde 40 jastaǵy er adam úige kirip, 700 myń teńgege múlikti urlap áketken.
"Kináli adam anyqtaldy jáne ustaldy. Tergeý júrgizilýde. Oǵan QR QK-niń 188-baby boiynsha jeti jylǵa deiingi merzimge bas bostandyǵynan aiyrý qaýpi tónip tur. Oqiǵa tótenshe jaǵdai kezinde bolǵandyǵy jazasyn aýyrlatýy múmkin", - dep habarlady BQO prokýratýrasy.
Buǵan deiin habarlanǵandai, Eńbek jáne halyqty áleýmettik qorǵaý ministrligi Tsifrlyq damý jáne aeroǵarysh ónerkásibi ministrligimen birlesip, Egov mobile mobildik qosymshasy arqyly sý tasqyny saldarynan keltirilgen zalaldy óteýge onlain ótinish berý fýnktsionalyn iske asyrdy. Muny qalai durys jasaý kerektigin ministr Petropavl qalasynyń Mansap ortalyǵynda ótken sý tasqynynan zardap shekkendermen kezdesý barysynda aityp berdi.
«Bul qyzmet arqyly siz shaǵyn saýalnamadan ótýińiz kerek. Barlyq jeke derekterdi toltyrasyz, sizge ýaqytsha baspana qajet pe, joq pa, sony kórsetý kerek. Keltirilgen zalaldy tizimdeisiz: bular turǵyn úi túri, qurylys túri, qaza tapqan mal sany, jeke múlki, qosalqy sharýashylyq jáne t.b. Servis sý tasqynynan zardap shekken óńirlerde turatyn Qazaqstannyń barlyq azamattary úshin qoljetimdi», – dedi Svetlana Jaqypova.
