Foto:gov.kz
«Otbasy banki» men ákimdikter sý tasqynynan zardap shekken qazaqstandyqtar úshin jańa ipotekalyq baǵdarlamany iske qosýdy qarastyryp jatyr, dep habarlady Halyq Uni tilshisi.
«Otbasy bank» AQ basqarma tóraǵasy Liazzat Ibragimova sý tasqynynan zardap shekkender týraly derekter jinalyp jatqanyn jetkizdi.
Qazir biz ákimdiktermen birlesip barlyq statistikany jinap jatyrmyz. Osy azamattardyń arasynda neshe adam (baspana) kezeginde tur? Jalpy «Nurly jer», «Baqytty otbasy» baǵdarlamasy boiynsha ótishin qabyldaýǵa josparymyz bar, - dedi basqarma tóraǵasy OKQ-da ótken baspasóz máslihatynda.
«Otbasy bank» AQ basqarýshy direktory – ortalyq filial direktory Matai Jansultan jergilikti biýdjetten qarjy bólinse, jańa ipotekalyq baǵdarlamany iske qosýǵa bolatynyn jetkizdi.
«Sý tasqynynan zardap shekken óńirlerdegi – Atyraý jáne Batys Qazaqsan oblysy ákimdikterimen kelissóz júrip jatyr. Oblystardyń óz qarajaty esebinen óńirlik baǵdarlama jasaý arqyly sol adamdardy (sý tasqynynan zardap shekkenderdi – avt.) qoldaý jaǵy qarastyrylýda... Mysaly, oblys biýdjetinen sý tasqynynan zardap shekken adamdarǵa jeńildetilgen ipotekaǵa aqsha berilse, biz ony rettep, ári qarai baǵdarlama retinde jeńil shartpen nesieleýge daiynbyz. Búginde kólissóz júrip jatyr», - dedi bank ókili.
