Sý tasqyny bolǵan Maqtaaral aýdanynda zardap shekkenderge Shymkenttiń qutqarýshylary kómek kórsetip jatyr. Endi sol aimaqqa qosymsha sý sorǵysh tehnikalar jóneltildi, dep habarlaidy QazAqparat.
Kómekke jiberilgen tehnikalardyń ishinde ASO 20, ATs – 2, ÝAZ markaly 4 tehnika, MP-100 markaly 6 motosorǵy bar. Sý basqan aimaqqa kómek qolyn sozý úshin 40 adamnan quralǵan jeke quram men 8 tehnika, dron men motorly jáne úrleme qaiyqtar jetkizildi. Sońǵy tórt kún ishinde qutqarýshylar aýdandaǵy sý basqan eldimekenderde 70 adamdy, olardyń múlikterin qaýipsiz jerge evakýatsiialady. Sýda qalǵan maldy basqa aýyldarǵa aidady. Tasqyn sý jaiylǵan aýmaqta injenerlik jumystardy júrgizý úshin 30 arnaiy tehnika jiberilgen.
Aita keteiik, Úkimet otyrysynda Túrkistan oblysynyń ákimi Ómirzaq Shókeev tótenshe jaǵdai qalyptasqan aimaqqa sý sorǵysh tehnikalary asa qajettigin aitqan bolatyn.
