سۋ تاسقىنى بولعان ماقتاارال اۋدانىندا زارداپ شەككەندەرگە شىمكەنتتٸڭ قۇتقارۋشىلارى كٶمەك كٶرسەتٸپ جاتىر. ەندٸ سول ايماققا قوسىمشا سۋ سورعىش تەحنيكالار جٶنەلتٸلدٸ, دەپ حابارلايدى قازاقپارات.
كٶمەككە جٸبەرٸلگەن تەحنيكالاردىڭ ٸشٸندە اسو 20, اتس – 2, ۋاز ماركالى 4 تەحنيكا, مپ-100 ماركالى 6 موتوسورعى بار. سۋ باسقان ايماققا كٶمەك قولىن سوزۋ ٷشٸن 40 ادامنان قۇرالعان جەكە قۇرام مەن 8 تەحنيكا, درون مەن موتورلى جەنە ٷرلەمە قايىقتار جەتكٸزٸلدٸ. سوڭعى تٶرت كٷن ٸشٸندە قۇتقارۋشىلار اۋدانداعى سۋ باسقان ەلدٸمەكەندەردە 70 ادامدى, ولاردىڭ مٷلٸكتەرٸن قاۋٸپسٸز جەرگە ەۆاكۋاتسييالادى. سۋدا قالعان مالدى باسقا اۋىلدارعا ايدادى. تاسقىن سۋ جايىلعان اۋماقتا ينجەنەرلٸك جۇمىستاردى جٷرگٸزۋ ٷشٸن 30 ارنايى تەحنيكا جٸبەرٸلگەن.
ايتا كەتەيٸك, ٷكٸمەت وتىرىسىندا تٷركٸستان وبلىسىنىڭ ەكٸمٸ ٶمٸرزاق شٶكەەۆ تٶتەنشە جاعداي قالىپتاسقان ايماققا سۋ سورعىش تەحنيكالارى اسا قاجەتتٸگٸن ايتقان بولاتىن.
