QR Indýstriia jáne infraqurylymdyq damý ministri Qaiyrbek Óskenbaev respýblikalyq mańyzy bar joldardy sý shaiý máselesine qatysty túsinik berdi, dep habarlaidy QazAqparat.
«Joldardy sý basý máselesi jiti baqylaýda. Sonyń biri Aqtóbe oblysynda boldy. Biraq sý shaiǵan tasjol jóndelip jatqan bolatyn. Iaǵni, qoldanystaǵy jol emes. Jalpy jol salý men jóndeýde merdiger kompaniia 5 jylǵa kepildik beredi. Aqtóbeden bólek, basqa óńirler boiynsha jol boiyn sý shaiýdyń 19 jaǵdaiy tirkeldi. Búginde búkil jaǵdai baqylaýda. Men respýblikalyq mańyzy bar joldar týraly aityp otyrmyn», - dedi Qaiyrbek Óskenbaev ortalyq kommýnikatsiialar qyzmeti alańynda ótken baspasóz máslihatynda.
Ministrdiń aitýynsha, sý tasqyny qaýpine bailanysty respýblikalyq mańyzy bar tasjoldarda arnaiy brigadalar máseleni baqylaýda ustap otyr.
«Sý basý qaýpi bar degen joldar boiynda kezekshi brigadalar tótenshe jaǵdaiǵa daiyn otyr. Tótenshe jaǵdai nemese tabiǵi apat kútpegen jerden bolady. Sondyqtan aldyn ala naqty bir boljam aitý múmkin emes», - deidi ol.
