قر يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ رەسپۋبليكالىق ماڭىزى بار جولداردى سۋ شايۋ مەسەلەسٸنە قاتىستى تٷسٸنٸك بەردٸ, دەپ حابارلايدى قازاقپارات.
«جولداردى سۋ باسۋ مەسەلەسٸ جٸتٸ باقىلاۋدا. سونىڭ بٸرٸ اقتٶبە وبلىسىندا بولدى. بٸراق سۋ شايعان تاسجول جٶندەلٸپ جاتقان بولاتىن. ياعني, قولدانىستاعى جول ەمەس. جالپى جول سالۋ مەن جٶندەۋدە مەردٸگەر كومپانييا 5 جىلعا كەپٸلدٸك بەرەدٸ. اقتٶبەدەن بٶلەك, باسقا ٶڭٸرلەر بويىنشا جول بويىن سۋ شايۋدىڭ 19 جاعدايى تٸركەلدٸ. بٷگٸندە بٷكٸل جاعداي باقىلاۋدا. مەن رەسپۋبليكالىق ماڭىزى بار جولدار تۋرالى ايتىپ وتىرمىن», - دەدٸ قايىربەك ٶسكەنباەۆ ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا.
مينيستردٸڭ ايتۋىنشا, سۋ تاسقىنى قاۋپٸنە بايلانىستى رەسپۋبليكالىق ماڭىزى بار تاسجولداردا ارنايى بريگادالار مەسەلەنٸ باقىلاۋدا ۇستاپ وتىر.
«سۋ باسۋ قاۋپٸ بار دەگەن جولدار بويىندا كەزەكشٸ بريگادالار تٶتەنشە جاعدايعا دايىن وتىر. تٶتەنشە جاعداي نەمەسە تابيعي اپات كٷتپەگەن جەردەن بولادى. سوندىقتان الدىن الا ناقتى بٸر بولجام ايتۋ مٷمكٸن ەمەس», - دەيدٸ ول.
