QR Prezidenti Qasym-Jomart Toqaev jastardy joǵary bilimmen qamtamasyz etý úshin olarǵa jeńildetilgen nesie berýdi usyndy, dep habarlaidy QazAqparat.
«Eń mańyzdy másele - joǵary bilimniń qoljetimdi bolýy. Memlekettik bilim granttaryn bólý júiesinde aýqymdy áleýmettik quramdy qarastyrý kerek dep sanaimyn. Iaǵni, úmitkerdiń oqý jetistikterine ǵana emes, onyń áleýmettik-ekonomikalyq jaǵdaiyna da nazar aýdarý kerek», - dedi Memleket basshysy Ulttyq qoǵamdyq senim keńesiniń onlain formattaǵy 3-otyrysynda.
Sonymen birge, Prezident qoldaý kórsetýdiń birneshe jolyn usyndy.
«Az qamtylǵan otbasylar úshin, azamattar men jastardyń áleýmettik álsiz sanattary úshin grant sanyn kóbeitý máselesin qarastyrý kerek. Joǵary bilim aqysyn tóleý úshin jeńildetilgen nesie berý - qoldaýdyń taǵy bir túri bolar edi. Úkimetten, sondai-aq Ulttyq keńes múshelerinen osy másele boiynsha óz usynystaryn berýdi suraimyn», - dedi Q. Toqaev.
Aita keteiik, QR Prezidenti Qasym-Jomart Toqaevtyń tóraǵalyǵymen Ulttyq qoǵamdyq senim keńesiniń úshinshi otyrysy ótip jatyr. Kezekti otyrys adami kapitaldy damytýǵa, atap aitqanda, bilim berý, densaýlyq saqtaý máselelerine arnalǵan.
