Aldaǵy ýaqytta shákirtaqy ýniversitet arqyly emes stýdentterge tikelei tólenetin bolady. Bul týraly búgin QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Shákirtaqy tóleý júiesin ózgertýge qatysty naqty sharalar qabyldap jatyrmyz. Biz qazir biraz normativtik-quqyqtyq aktilerdi qabyldaýymyz kerek. Sodan keiin, múmkin, kelesi jyldyń basynda shákirtaqy tóleýdiń jańa júiesine kóshemiz. Sonda ýniversitetter arqyly shákirtaqy tólenbei. Naqty shákirtaqy ár stýdentke tikelei tólenetin júiege kóshýimiz qajet», - dedi Ashat Aimaǵambetov ministrliktiń apparat jinalysynda.
Sonymen qatar ministr atalǵan jańa júiege qatysty tiisti is-sharalar qabyldaný ústinde ekendigin basa aitty.
«Bulardan ózde de problemalyq máseleler bar. Onyń bárin biz bilemiz. Sondyqtan ol máselelerge qaityp kelip, taǵy bir márte qarastyramyz. Búgin aitylǵan usynystar boiynsha tiisti zertteý-taldama jumysyn júrgizýimiz kerek. Odan keiin naqty is-sharalardy bekitip, qalai bolǵanda da bul problamalardy sheshý qajet», - dedi ol.
