Foto: pixabay.com
"Qarjy ortalyǵy" AQ 2024-2025 oqý jylynyń 1-semestriniń 1-kýrsynda bilim alýshylarǵa aǵymdaǵy jyldyń qyrkúiek aiynyń memlekettik stipendiiasy qazan aiynyń ishinde tólenetinin habarlady. Bul týraly Ult.kz habarlaidy.
Bul tólem 2008 jylǵy 7 aqpandaǵy №116 QR Úkimeti qaýlysymen bekitilgen Qaǵidalarǵa sáikes 30 qyrkúiektegi jaǵdai boiynsha JJOKBU esepterin teksergennen keiin jasalady eken.
"Sondai-aq, jańadan túsken Meditsinalyq joǵary oqý oryndarynyń birinshi kýrs stýdentterine qyrkúiek aiynyń stipendiiasy qazan aiynda eki aiǵa (qyrkúiek-qazan) qosylyp tólenetinin habarlaimyz.
Aýyspaly kýrs stýdentteriniń kontingentine (barlyq basqa stýdentterge) qyrkúiek aiynyń memlekettik stipendiiasyn tóleý JJOKBU usynǵan esepterge sáikes júzege asyrylady, iaǵni stipendiia qyrkúiek aiynyń sońyna deiin túsetin bolady. Tólemder aidyń aiaǵynda(qazanda) júrgiziletin bolady", - delingen "Qarjy ortalyǵy" AQ habarynda.
Sondai-aq "Qarjy ortalyǵy" AQ 2008 jylǵy 7 aqpandaǵy №116 "Memlekettik stipendiialardy taǵaiyndaý, tóleý qaǵidalaryn jáne olardyń mólsherlerin bekitý týraly" QR Úkimetiniń Qaýlysyna sáikes stipendiialar tóleý júrgiziletinin habarlap otyr.
