Foto: Polisia.kz
Qostanai qalasynda eki stýdentten iri kólemde aqsha bopsalady degen kúdikpen 22 jastaǵy turǵyn ustaldy, dep habarlaidy Ult.kz.
Politsiia málimetinshe, kúdikti 2024 jyldyń jeltoqsanynan 2025 jyldyń aqpanyna deiin birneshe qylmystyq áreketke barǵan. Ol jábirlenýshilerge psihologiialyq qysym kórsetip, kúsh qoldanamyn dep qorqytqan. Sonyń saldarynan eki stýdent oǵan 1 million teńgeden astam qarajat bergen.
Qazirgi tańda kúdiktige turǵylyqty jerinen shyqpaý týraly qolhatpen bultartpaý sharasy qoldanyldy. Oǵan qatysty QR Qylmystyq kodeksiniń 194-baby 2-bóligi boiynsha qylmystyq is qozǵaldy. Bul bapqa sáikes, jeti jylǵa deiin bas bostandyǵynan aiyrý jáne múlkin tárkileý jazasy qarastyrylǵan.
Quqyq qorǵaý organdary tergeýdi jalǵastyryp, kúdiktiniń basqa da bopsalaý derekterine qatysy bar-joǵyn anyqtap jatyr.
