QR Bilim jáne ǵylym ministrligi joǵary jáne joǵary oqý ornynan keiingi bilim departamentiniń direktory Gúlzat Kóbenovanyń aitýynsha, búginde ýniversitet jataqhanasyndaǵy oryndy «elektrondy úkimet» portaly arqyly alýǵa múmkindik bar, dep habarlaidy QazAqparat tilshisi.
«Búginde jataqhana oryndaryn bólý máselesi memlekettik qyzmetke jatady. Sondyqtan árbir joǵary oqý orny tártip boiynsha ózderinde bar oryndardy taratady. Artynan bizge esebin berip otyrady», - dedi Kóbenova QazAqparat tilshisine bergen suhbatynda. Onyń sózine qaraǵanda, arnaiy aqparattyq júiede kim jáne qai jerden oryn alǵany kórsetilýi kerek. Al erejege sáikes, jataqhana orny aldymen memlekettik grant iegerlerine, sondai-aq áleýmettik jaǵynan az qamtylǵan otbasy múshelerine beriledi. «Osy sharalar memlekettik qyzmet bolǵasyn, stýdent óz ótinishin «e-gov» portaly bere alady, ia bolmasa ýniversitettiń ózine berýge múmkindik bar. «Elektrondy úkimet» portalyna ótinish tapsyrǵanda, mindetti túrde tiisti qujattar bolýy kerek. Sonyń negizinde tapsyrys ýniversitettiń ózine túsedi. Belgili bir ýaqyttyń ishinde oǵan jaýap berilýi tiis», - dep atap kórsetti departament basshysy.
Aita keteiik, Qazaqstannyń sybailas jemqorlyqqa qarsy strategiiasynda jataqhanalardy taratýdyń elektrondy júiesin engizý mindeti bar. Oǵan QR Bilim jáne ǵylym ministrligi jaýapty.
