Foto: ashyq derekkóz
Mundai keremet múmkindikti áielderge arnalǵan «Umai» baǵdarlamasy usynady. Bul ipotekamen 18-ge tolǵan kez kelgen statýstaǵy áiel (boijetken/ana) páter ala alady. Jáne Qazaqstannyń kez kelgen qalasynan! Buryn 4 qalamen (Astana, Almaty, Atyraý, Aqtaý) ǵana shekteletin. Endi ondai «qolbailaý» joq, dep habarlaidy "Ult aqparat" Qarjylyq saýat telegram arnasyna silteme jasap.
Sonymen, «Umai» baǵdarlamasy 2025 jyly qaita iske qosylǵaly jatyr.
Sońǵy ózgeristerdiń «pliýsin» tizip shyqsaq:
- - kezekke turýdyń qajeti joq;
- - otbasylyq statýsqa shekteý qoiylmaidy;
- - kez kelgen jumys orny jarai beredi;
- - atyńda eki nemese úsh úi bolsa da kedergi emes;
- - adres boiynsha tirkeýde bolý mindetke jatpaidy;
- - qaladan da, aýyldan da úi alýǵa bolady;
- - jańa úiden de, ekinshi naryqtan da úi alýǵa bolady;
- - BJZQ-daǵy jinaq aqshany paidalanýǵa bolady (jinaqty Otbasy shotyna aýdara alasyz nemese týysyńyz óz jinaǵyn aýdara alady);
- - ainalańdaǵy kez kelgen adam «sozaemshik» bola alady (ata-anań, baýyryń, týysyń, dosyń/qurbyń);
- - STÝDENT STIPENDIIaSY TABYS KÓZI RETINDE QARASTYRYLADY.
Endi baǵdarlamanyń sharttaryn aitaiyq:
- - 15-20% – bastapqy jarna. Ol «Otbasy» depozitinde jatýy kerek;
- - 2016 – úidiń salynǵan jyly osy merzimnen tómen bolmaýy kerek;
- - 950 000 – tabystyń maksimaldy deńgeii (osydan asyp ketpese boldy);
- - 50 000 000 – baspananyń maksimaldy quny.
"Ázirge banktiń 300 nómirine qońyraý shalyp, keńesshilerdi jaǵalap filialdarǵa júgirýdiń qajeti joq. Sizge keregi mynaý, qurmetti hanymdar: óz varianttaryńyzdy qarastyryńyz, bank sharttary yńǵaiǵa kele me – oilanyp kórý, depozitti tekserý jáne ony 2024 jyly toltyrýdy oilastyrý. Qajet bolsa, banktiń mobildi qosymshasynda nemese keńesshilerge baryp depozit ashý", - dep jazady «Otbasy bank» AQ basqarma tóraǵasynyń orynbasary Nurlan Aqshanov óziniń Facebook-tegi paraqshasynda.
