Aýylda jazǵy demalysta júrgen kezimizde Almaty oblysynda jol aqysynyń kóterilgenin estip biraz ýaiymdap qaldyq. Sebebi, biz siiaqty qalanyń syrtynda oqityn san myńdaǵan stýdentterge OŃAI berilmeidi. Sol sebepten de qalanyń ishinde kúndelikti qarapaiym halyq siiaqty tóleitin bolamyz. Osy ońai máselesi «baiaǵy jartas sol jartas» bolyp-aq tur emes pe?
Ýniversitetimizde oqityn kóptegen stýdentter osy jaily jazyp ta, baryp aityp ta júr. Tipti, ol az deseńiz jarty stýdentter kelisimimen qoldaryn qoiǵyzyp, ótinish jasaldy. Alaida, bizdiń jaǵdaiymyzdy eskere otyryp, óz qoldaýyn bildirip jatqan joǵary jaqtan eshkimdi baiqai almadym. Kerisinshe, belgili bir sebepterdi alǵa tarta otyryp, kelisimderin bermeidi.
Stýdentter úshin kúndelikti jol aqysynyń ózi úlken shyǵyndai kórinedi emes pa? Alys-jaqynnan kelip oqyp júrgen jastarymyzdyń páter, jol aqysyna alańdaýmen kúnderin ótkizip jatqandaryna qatty alańdaimyn. Qazirgi ýaqytta páter baǵasy da tym joǵary. Balalaryn oqytý úshin eshnárseden aianbaityn ata-ana kez-kelgen baǵaǵa kelisimderin berip jatady. Páter jaǵyn ata-ana ózderi sheshe otyryp, asqaqtap turǵan baǵaǵa kózderin jumyp, jaldatqyzyp jatyr delik. Al endi jol aqysyna kelsek qalaǵa shyqqan saiyn 150 teńgeden beretin bolsaq bir ailyq shákirt aqymyzdyń ózi jetpei qalýy múmkin kórinedi. Árine, Qaskeleńniń ishindegi jol aqysy burynǵy qalpynda saqtalyp turǵany qýantady. Biraq ta stýdent bolǵan soń aty aityp turǵandai izdempaz jastardyń qala jaqqa qarai kóp barary anyq. Bar ónerdiń qainap jatqan ortasynan qalai tysqary qalýǵa bolady. Tipti, jol aqysyna bola Qaskeleńnen alysqa shyqpaityn jastarymyzda jeterlik...
Kúrmeýi sheshilmei jatqan ońai máselesiniń ústine, páter jaǵy da qosylyp tur. Aldynda aityp ótkenimdei páter baǵasynyń birden kóterilip ketýine ne sebep? Oqýǵa keler aldynda turatyn úi izdep, dostaryma habarlasyp edim, baǵalary byltyrǵydan da joǵary bolyp turǵandaryn aitty. Mysalǵa 1 bólmeli 80-100 myń, 2 bólmeli páter aqysy 120-140 teńgeden. Ata-analardyń, stýdentterdiń birden sary ýaiymǵa salynyp, alańdap ketetinderi anyq ǵoi. Oǵan men páter izdegen kezde habarlasqan talai ata-ananyń aitqan sózderi dálel. «Balamnyń armany ýniversitette oqý. Men qalai ǵana onyń bolashaǵyna balta shabamyn. Ózim ash qalsamda, baýyr etip balam toq júrse eken...» dep tebirene sóilegen aq jaýlyqty analardyń daýsyn estigen kezde ishiń ýdai ashidy. Páter turmaq, jatahananyń da baǵasy arzan emes. Onyń ústine jataqhanada oryn joq. Al úi tappai sandalyp júrgen stýdentter qonaq úilerdi jaǵalap júrgeni anyq.
Osylai kóp máseleniń jetegine erip júrgen biz siiaqty talai jastardy oqýǵa degen yntasy da joǵalyp ketpesine kim kepil?
Ai saiyn páter, jol aqysyn tóleýmen qosa tamaqqa, kiimge ketetin qarjyny da eseptei berińiz. Aiyna alatyn ortasha jalaqylary 30-40 myńnan aspaityn aýyldaǵy ata-analardyń bar tapqan-taianǵanyn baýyr eti balasyna jiberip, ózderi qalai kún keship jatqany da alańdatady.
Sheshimi tabylmaǵan máselelerdiń barlyǵyn kóre otyryp, bilik basyndaǵy aǵalarymyz el bolashaǵy jastardyń qamyn jasamasa el erteńine qalai senimmen qaraidy ekenbiz...
Tilegen Kógershin
Súleiman Demirel Ýniversiteti
Jýrnalistika 2 kýrs stýdenti
Ult portaly
