Balaǵat sózder úshin birneshe ret jaýapqa tartylǵan bloger psihikalyq densaýlyq ortalyǵyna jatqyzyldy, dep habarlaidy ult.kz.
TikTok áleýmettik jelisinde «Zolotaia jenshina» laqap atymen tanylǵan Baizaq aýdanynyń 41 jastaǵy turǵyny Lailo Qasymova tikelei efirler barysynda balaǵat sózder qoldanǵany úshin birneshe ret ákimshilik jaýapkershilikke tartylǵan.
Birneshe re eskertý jasalyp, profilaktikalyq jumystar júrgizilgenine qaramastan, áiel mundai áreketterin jalǵastyra bergen. Ol óziniń kámeletke tolmaǵan balalaryna qatysty da balaǵat sózder aitqan.
Politsiia, qorǵanshylyq jáne qamqorshylyq organdary men basqa da múddeli qyzmetterdiń qatysýymen balalardyń tárbielený jáne turý jaǵdailaryna tekserý júrgizildi. Qazirgi ýaqytta balalar ákesiniń qaraýynda.
Jedel meditsinalyq járdem brigadasynyń tekserýinen keiin Lailo Qasymova em qabyldaý úshin Jambyl oblystyq psihikalyq densaýlyq ortalyǵyna jatqyzyldy.
