Baianaýyl aýdandyq ákimdigi men «Mádeniet portaly» aqyn, aǵartýshy Sultanmahmut Toraiǵyrovtyń 125 jyldyǵyna arnalǵan «Qarańǵy qazaq kógine órmelep shyǵyp kún bolǵan...» atty respýblikalyq onlain-músháirasyn jariialaidy.
Maqsaty
Aqyn, aǵartýshy Sultanmahmut Toraiǵyrov beinesin jyrmen somdap, qysqa ǵumyrynda qarańǵylyqtyń kegine kún bolyp sáýle shashqan kemeńger tulǵanyń eren isterin dáripteý. Rýhani ulttyq muramyz ben eldik-órlik qundylyqtarymyzdy ulyqtap, jastar arasynda keńinen nasihattaý.
Sharttary
- Qatysýshy «Mádeniet portalyna» tirkelip, óleńderin ózi ornalastyrady;
- Óleńder buryn esh jerde jariialanbaǵan bolýy tiis;
-
Óleńder 2018 jyldyń 1-shildesine deiin «Mádeniet portalynda» onlain túrde qabyldanady;
- Onlain- músháiraǵa 35 jasqa deiingi aqyndar qatysa alady;
- Qatysýshy aqyn berilgen taqyryptar boiynsha 3 týyndysyn usynady;
- Kórkemdigi tómen shyǵarmalar jariialanbaidy;
- Onlain-músháira qorytyndysy men marapattaý ýaqyty «Mádeniet portaynda» qosymsha habarlanady.
Usynylatyn taqyryptar
1. Sultanmahmut Toraiǵyrovqa arnalǵan bir óleń;
2. Baianaýyl jaily bir óleń;
3. Erkin taqyryptaǵy bir óleń.
Júlde qory
Bas júlde bireý – 200 000 teńge.
Birinshi oryn bireý – 150 000 teńge.
Ekinshi oryn ekeý – 100 000 teńge.
Úshinshi oryn úsheý – 75 000 teńge.
Arnaiy syilyq úsheý – 50 000 teńge.
«Mádeniet portalynyń» Sultanmahmut Toraiǵyrov atyndaǵy arnaiy júldesi.
Onlain-músháira qorytyndysyn shyǵarý
- Baiqaý qatysýshylarynyń jumysyn baǵalaý jáne jeńimpazdardy anyqtaý úshin qazylar alqasy qurylady;
- Qazylar alqasynyń quramyna elimizge belgili aqyndar kiredi;
- Qazylar alqasynyń quramy tóraǵadan jáne múshelerinen turady;
- Qazylar alqasynyń jumysyna tóraǵa basshylyq jasaidy, sheshim shyǵarady jáne qazylar alqasynyń shyǵarǵan sheshimi úshin jaýapty bolady;
-
Qazylar alqasy «Mádeniet portalynda» onlain daýys beredi;
- Qazylar alqasynyń hatshysy taǵaiyndalady;
- Hatshy qazylar alqasynyń sheshimi boiynsha hattamany rásimdeidi.
- Qazylar alqasynyń sheshimi qaita qaraýǵa jatpaidy.
- Onlain-músháira jeńimpazdary men júldegerleri arnaiy diplomdarmen jáne aqshalai syilyqtarmen marapattalady.
Anyqtama telefony: 8-777-936-15-04
Eskertý: Júldegerler Pavlodar oblysy, Baianaýyl aýylyna kelip-ketý jol shyǵyndaryn ózderi kóteredi.
