«STOP trafik» jedel aldyn alý is-sharasy barysynda adam saýdasymen bailanysty 68 qylmys anyqtaldy. Bul týraly QR IIM Kriminaldyq politsiia departamenti bastyǵynyń orynbasary Qanat Nurmaǵambetov aitty, dep habarlaidy QazAqparat.
«Osy jyldyń 22 qarashasy men 1 jeltoqsany aralyǵynda «STOP trafik» atty kezekti respýblikalyq jedel aldyn alý is-sharasy ótkizildi. Is-shara barysynda politsiia organdary adam saýdasyna qatysty 68 qylmysty anyqtady. Onyń ishinde jumysqa salý maqsatynda bostandyǵyna zańsyz shekteýdiń 3 faktisi, adam saýdasyna qatysty 2 fakti, kámeletke tolmaǵandardy saýdalaýdyń 2 faktisi, jezókshelikpen ainalysýǵa tartýdyń 8 faktisi bar», - dedi ol IIM baspasóz qyzmeti alańynda ótken brifingide.
Onyń dereginshe, jezókshelikpen jáne jeńgetailyqpen ainalysýdy uiymdastyrýdyń nemese priton ustaýdyń 53 faktisi áshkere bolǵan.
«Sonymen qatar bile tura jezókshelikpen jáne jeńgeitailyqpen ainalysýǵa úi-jai berý faktisi boiynsha 21 ákimshilik quqyq buzýshylyq tirkeldi. Jeńil júristilerdiń qoǵamdyq orynda adamdarǵa jabysqany úshin 600-den astam ákimshilik hattama toltyryldy», - dedi Qanat Nurmaǵambetov.
