«STOP ترافيك» جەدەل الدىن الۋ ٸس-شاراسى بارىسىندا ادام ساۋداسىمەن بايلانىستى 68 قىلمىس انىقتالدى. بۇل تۋرالى قر ٸٸم كريمينالدىق پوليتسييا دەپارتامەنتٸ باستىعىنىڭ ورىنباسارى قانات نۇرماعامبەتوۆ ايتتى, دەپ حابارلايدى قازاقپارات.
«وسى جىلدىڭ 22 قاراشاسى مەن 1 جەلتوقسانى ارالىعىندا «STOP ترافيك» اتتى كەزەكتٸ رەسپۋبليكالىق جەدەل الدىن الۋ ٸس-شاراسى ٶتكٸزٸلدٸ. ٸس-شارا بارىسىندا پوليتسييا ورگاندارى ادام ساۋداسىنا قاتىستى 68 قىلمىستى انىقتادى. ونىڭ ٸشٸندە جۇمىسقا سالۋ ماقساتىندا بوستاندىعىنا زاڭسىز شەكتەۋدٸڭ 3 فاكتٸسٸ, ادام ساۋداسىنا قاتىستى 2 فاكتٸ, كەمەلەتكە تولماعانداردى ساۋدالاۋدىڭ 2 فاكتٸسٸ, جەزٶكشەلٸكپەن اينالىسۋعا تارتۋدىڭ 8 فاكتٸسٸ بار», - دەدٸ ول ٸٸم باسپاسٶز قىزمەتٸ الاڭىندا ٶتكەن بريفينگٸدە.
ونىڭ دەرەگٸنشە, جەزٶكشەلٸكپەن جەنە جەڭگەتايلىقپەن اينالىسۋدى ۇيىمداستىرۋدىڭ نەمەسە پريتون ۇستاۋدىڭ 53 فاكتٸسٸ ەشكەرە بولعان.
«سونىمەن قاتار بٸلە تۇرا جەزٶكشەلٸكپەن جەنە جەڭگەيتايلىقپەن اينالىسۋعا ٷي-جاي بەرۋ فاكتٸسٸ بويىنشا 21 ەكٸمشٸلٸك قۇقىق بۇزۋشىلىق تٸركەلدٸ. جەڭٸل جٷرٸستٸلەردٸڭ قوعامدىق ورىندا ادامدارعا جابىسقانى ٷشٸن 600-دەن استام ەكٸمشٸلٸك حاتتاما تولتىرىلدى», - دەدٸ قانات نۇرماعامبەتوۆ.
