Stepnogorskte túrmeden qashqan asa qaýipti qylmyskerdi ustaý sáti túsirilgen video paida boldy, - dep habarlaidy Tengrinews.kz tilshisi. Videony kýáger túsirip alǵan.
Video kadrlarynan avtokólik turaǵynyń mańynda birneshe áskeridiń qarýmen turǵanyn kórýge bolady. Qashqyn delingen er adam kadrǵa túsip qalǵan. Ustaý sáti túsirilgen foto men videolardy "VKontakte" jelisindegi "Vospitan v Stepnogorske" tobynyń qoldanýshylary da jariialap jatyr.
Olardyń aitýynsha, kúsh qurylymdary qashqyndy qalanyń toǵyzynshy yqshamaýdanynda ustaǵan.
Kýágerlerdiń biri tipti qylmyskerdiń bir adamdy tutqynda ustap, pyshaqpen jaraqat salǵanyn jazyp jatyr.
Abyroi bolǵanda, politseiler tutqyndy bosatqan.
Eske salaiyq, 17 maýsymda keshki ýaqytta Aqmola oblysynda asa aýyr qylmysy úshin sottalǵan er adam koloniiadan qashyp ketken edi.
