Aqmola oblysynyń «Stepnogor-Zavodskoi» tasjolynda kólik aýdarylyp, 36 jastaǵy áiel kóz jumdy, dep habarlaidy QazAqparat oblystyq PD baspasóz qyzmetine silteme jasap.
Vedomstvonyń málimetinshe, aǵymdaǵy jylǵy qazannyń 24-de kúndizgi saǵat 12:20 shamasynda Stepnogor qalalyq politsiia basqarmasynyń kezekshi bólimine «Stepnogor-Zavodskoi» avtojolynyń 6 shaqyrymynda jol apaty bolǵany habarlanǵan.
Anyqtalǵandai, Zavodskoi kenti baǵytynda júrip kele jatqan Hyundai Accent avtokóliginiń 35 jastaǵy júrgizýshisi rýldi basqara almai, kólik aýdarylǵan.
«Saldarynan Stepnogor qalasynyń qalalyq aýrýhanasyna 36 jastaǵy jolaýshy jetkizildi, ol saǵat 21:10-da jansaqtaý bóliminde kóz jumdy. Meditsinalyq kýálandyrý aktisine sáikes Hyundai Accent avtokóliginiń júrgizýshisi «jeńil dárejede» mas kúiinde bolǵan. Tiisti saraptama taǵaiyndaldy», - dedi vedomstvodan.
Qazirgi kezde osy oqiǵaǵa bailanysty Qylmystyq kodekstiń 345-1 babynyń 3-bóligi «kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy» boiynsha sotqa deiingi tergeý bastaldy.
