Mysyrdyń Kair qalasynda ótip jatqan stend atýdan álem kýbogi kezeńinde Qazaqstan qorjynyna kezekti júlde tústi, dep habarlaidy "Ult aqparat" Olympic.kz saityna silteme jasap.
«Trap» jattyǵýy boiynsha Qazaqstan komandasy qola júldeger atandy. Altyn medal Resei, kúmis Úndistan quramasynyń enshisinde. Bul jattyǵý boiynsha Qazaqstan namysyn Sársenkúl Rysbekova, Aijan Dosmaǵambetova men Mariia Dmitrienko qorǵaǵan bolatyn.
Aita keteiik, buǵan deiin Qazaqstan komandasy «skit» jattyǵýy boiynsha úzdik úshtik qatarynan kóringen edi.
Sondai-aq Sársenkúl Rysbekova Tokio Olimpiadasyna joldama jeńip alǵan bolatyn.
