AQSh soty Qazaqstannyń Niý-Iorktegi qarjyger Deniel Chepmenge halyqaralyq alaiaqtyqqa qatysqany úshin bergen talabyn toqtata turýdan bas tartty, dep habarlaidy "Ult aqparat" Ádilet ministrliginiń resmi saityna silteme jasap.
Vashington sotynyń sheshimi moldavandyq kásipkerler Anatol jáne Gabriel Stati jasaǵan keń aýqymdy alaiaqtyq shemadaǵy róli úshin Chepmenge qarsy Qazaqstan Respýblikasynyń shaǵymyn qaraýdy toqtatýǵa qatysty niý-iorktik qarjyger D.Chepmenniń áreketin joqqa shyǵarady.
Alaiaqtyq 2013 jylǵy Qazaqstanǵa qarsy tórelik sheshimdi alý úshin paidalanyldy.
2021 jylǵy 19 naýryzdaǵy sheshimimen AQSh-tyń Kolýmbiia okrýginiń aýdandyq soty Deniel Chepmennyń jáne onyń tórt kompaniiasynyń – Argentem Creek Holdings LLC, Argentem Creek Partners LP, Pathfinder Argentem Creek GP LLC jáne ACP I Trading LLC (birlesip «Chepmen» dep atalady) Qazaqstannyń Chepmenge qatysty talaptaryn qaraýdy toqtata alatyn aldyn ala tyiym salý týraly ótinish berýge ruqsat alý úshin bergen ótinishin qabyldaǵan joq.
2020 jyldyń maýsym aiynda Qazaqstan Chepmenge qarsy Niý-Iorktiń Joǵarǵy sotyna shaǵymyn berdi.
Chepmen britandyq Virgin araldarynda ornalasqan Tristan Oil Ltd shyǵarǵan obligatsiialar arqyly Statidiń Qazaqstandaǵy qyzmetine iri investor boldy.
Bul obligatsiialarǵa Statidiń «Tolqynneftegaz» JShS jáne «Qazpolmunai» JShS qazaqstandyq kompaniialarymen kepildik berdi.
Qazirgi ýaqytta Stati óz biznesterin zańsyz maqsattarda, sonyń ishinde Chepmen siiaqty halyqaralyq investorlardy aldaý úshin qoldanǵany belgili.
Alaida, niý-iorktik shaǵymda aitylǵandai, Chepmen shamamen 2012 jyly Statidiń alaiaqtyǵy týraly bildi, biraq molovandarǵa qarsy tiisti sharalar qoldanýdyń ornyna, ol Qazaqstandy aldaý úshin Statimen zańsyz kelisimge keldi.
Osy oraida, shaǵymda «Chepmen jáne onyń kompaniialary qarjy piramidasyn júzege asyrýǵa qosylǵan jábirlenýshiler siiaqty áreket etti.
Jábirlenýshiler Statidiń qylmystyq shemasyn buzýdyń ornyna, olar óziniń urlanǵan aqshasyn jańa jábirlenýshiden [Qazaqstannan] alý úshin alaiaqtyq shemany qoldaýǵa sheship, urlanǵan aqshasyn qylmyskerlerden zańdy túrde qaitarýǵa tyrysqan joq» dep aitylǵan.
2020 jyldyń jeltoqsanynda Statidiń basqa investory Kaliforniianyń Outrider Management kompaniiasy Niý-Iorktegi Qazaqstannyń shaǵymyna qosyldy jáne Chepmenge alaiaqtyq, járdemdesý jáne quqyqqa qarsy minez-qulyqqa itermeleý, sondai-aq aǵylshyn quqyǵy boiynsha zańsyz sóz bailasqany úshin talap qoiady.
Qazirgi sheshimde Vashington soty Chepmenge Qazaqstannyń Niý-Iorktegi talaptaryn toqtatatyn aldyn-ala tyiym salý týraly ótinish berýge ruqsat bermeý týraly sheshim qabyldady.
Chepmen óziniń usynylǵan ótinishin Vashington soty Statidiń 2018 jylǵy naýryzda Qazaqstanǵa qarsy tórelik sheshimin rastaǵanda jáne 2019 jylǵy mamyrda Qazaqstannyń «Uiymdasqan qylmysqa jáne sybailas jemqorlyqqa qarsy kúres týraly» Zańy («RICO» Zańy) boiynsha bergen talaptaryn qabyldamaǵanda Qazaqstannyń alaiaqtyqqa qatysty aiyptaýlary boiynsha sheshimdi budan buryn qabyldady degen jalǵan málimdemege negizdedi.
Chepmenniń ótinishin qabyldamai, Vashington soty Qazaqstannyń Statidiń alaiaqtyǵy týraly aryzy boiynsha eshqashan sheshim shyǵarmaǵandyǵyn rastap, bul málimdemeni joqqa shyǵardy. Kerisinshe, sot (a) onyń aldyńǵy sheshimderi shekteýli jáne Niý-Iork konventsiiasy men RICO-ǵa sáikes tehnikalyq negizdermen shektelgeni, (á) ol Qazaqstanǵa osy alaiaqtyqtyń dáleldemelerin usynýǵa tipti ruqsat bermegeni jáne (b) ol alaiaqtyq týraly Qazaqstan talaptarynyń jetkiliktiligine qatysty tikelei sheshim shyǵarmaǵanyn rastady:
Sot Qazaqstannyń Argentem taraptaryna qarsy shaǵymynda memlekettiń quqyǵy boiynsha da, aǵylshyn quqyǵy boiynsha da talaptar bar ekenin atap ótti, al tórelik sheshimdi rastaityn sot sheshimi tek Tórelik týraly Federaldy zań men Niý-Iork konventsiiasyn qoldanýǵa negizdelgen. Ol alaiaqtyq jasady degen Qazaqstannyń aiyptaýlaryna qatysty bolsa da, ol Argentem taraptaryna nemese osy taraptarǵa qatysty qandai da bir memlekettik shaǵymdardy – ásirese aǵylshyn quqyǵy boiynsha qandai da bir shaǵymdardy qaraýǵa qatysty emes.
Sonymen qatar, RICO isi boiynsha sottyń sheshimi Stati taraptaryna shaǵymdanǵan federaldy talaptardyń jetkiliktiligine negizdelgen jáne ol memlekettik zań talaptarynyń jaramdylyǵyna tikelei qatysty emes.
Bul sheshimge kommentarii bere otyryp, Qazaqstan Respýblikasynyń Ádilet ministri Marat Beketaev bylai dedi:
Qazaqstan óziniń Niý-Iorktegi shaǵymynda Statidiń alaiaqtyǵyndaǵy Chepmenniń rólin baiandap berdi. Táýelsiz úshinshi tarap – Outrider – bul shaǵymǵa qosylyp, Chepmenge qarsy óz talaptaryn málimdedi. Chepmen osy alaiaqtyq aiyptaýlardan adal qorǵanýǵa tyrysýdyń ornyna, basqa sotqa júginip, odan Qazaqstannyń talaptaryn toqtatýǵa aralasýyn surap, ádetten tys qadam jasady. Bul Chepmenniń Statidiń alaiaqtyǵyna qatysýyna bailanysty máni boiynsha sheshimnen qalai aýlaq bolýǵa tyrysatynyn kórsetedi. Vashingtondyq sot Chepmenniń ótinishin qabyldamai, osylaisha ol alaiaqtyqqa qatysty Qazaqstannyń aiyptaýlary negizinde eshqashan sheshim qabyldamaǵanyn rastady.
Qazaqstannyń Statige qarsy alaiaqtyq jasady degen aiyptaýlary professor Djordj Bermann, professor Ketrin Rodjers, doktor Kristof Shroier, doktor Patrik Sholdstrom (qazir Shved apelliatsiialyq sotynyń sýdiasy), Aleks Leiton (qurmetti aǵylshyn advokaty), Stef Kassella (aqshany jylystatý jónindegi jetekshi sarapshy) jáne jetekshi halyqaralyq býhgalterlik firma PricewaterhouseCoopers-tiń táýelsiz qorytyndylarymen nyǵaitylýda.
Sońǵy on eki aida Qazaqstan Angliia, Shvetsiia, Belgiia, Niderlandy jáne Liýksembýrgte Stati men Chepmen siiaqty olardyń sybailastaryna qarsy kúreste qolaily sot sheshimderin aldy. Vashington sotynyń qazirgi sheshimi Qazaqstannyń paidasyna osy tizimdi tolyqtyrdy.
