Kólik politseileri «Jolaýshylar tasymaly» AQ filialynyń seifinen 1 mln teńgege jýyq qarajat urlaǵan er adamdy ustady. Bul týraly "Ult aqparat" Kóliktegi politsiia departamentiniń baspasóz qyzmetine silteme jasap habarlaidy.
Almaty 1 stantsiiasyndaǵy Jelilik politsiia basqarmasyna «Jolaýshylar tasymaly» AQ aimaqtyq filialdarynyń birine tiesili inkassatorlyq kassa bólmesine belgisiz tulǵalardyń zańsyz kirip, seif ishinen aqshalai qarajat jymqyrǵany týraly habarlama kelip tústi.
Atalǵana fakt boiynsha QR QK-niń 188-baby 3-bóliginiń 3-tarmaǵymen, iaǵni, qyzmettik nemese óndiristik úi-jaiǵa zańsyz kirýmen jasalǵan urlyq faktisi boiynsha sotqa deiingi tergeý amaldary bastaldy.
Atalǵan qylmysty ashý maqsatynda kólik politsiiasynyń tájiribeli qyzmetkerlerinen jedel-tergeý toby quryldy.
Jedel-izdestirý sharalaryn júrgizý barysynda qylmys jasady degen kúdikpen Almaty oblysynyń 27 jastaǵy turǵyny anyqtalyp, ustaldy.
Tekserý barysynda qaskóidiń túngi ýaqyt kezinde armatýramen tereze temirtoryn buzyp, bólme ishinde turǵan metell seifti ashyp, onyń ishinen 1 mln teńgege jýyq aqsha urlaǵandyǵy anyqtaldy. Sondai-aq, ol osy qylmysty jasaý maqsatynda joǵaryda atalǵan mekemeniń kassirimen aldyn ala josparly dostyq qarym-qatynas ornatyp, onyń jumys orny jaiynda tolyq málimetterdi bilip alǵandyǵy belgili boldy.
Almaty qalasy Jetisý aýdanynyń №2 sotynyń úkimimen er adam qylmystyq quqyq buzýshylyq jasaǵany úshin kináli dep tanylyp, oǵan 3 jyl 6 ai merzimge bas bostandyǵyn shekteý jazasy taǵaiyndaldy.
