Foto: Qaraǵandy oblysy ákimdigi
Temirtaýda Eski qala turǵyndaryn jylytatyn QarGRES-1 apatty jaǵdaiǵa bailanysty mazýtqa kóshti. Temperatýralyq rejim saqtalyp, 86/64 josparymen salystyrǵanda 87/65-ti quraidy. Stantsiiada janarmai qory jetkilikti, dep habarlaidy Qaraǵandy oblysy ákimdiginiń baspasóz qyzmeti.
"Temirtaýdaǵy jaǵdaiǵa qatysty. Men keshe túnde sonda boldym. Jedel sharalar qabyldandy. Qazir stantsiia shtattyq rejimde jumys istep tur", – dedi oblys ákimi Ermaǵanbet Bólekpaev apparat otyrysynda.
Jylý berý maýsymynyń barysy týraly energetika jáne turǵyn úi-kommýnaldyq sharýashylyq basqarmasynyń basshysy Erbol Tóleýov pen qala jáne aýdan ákimderi esep berdi.
"Jeti energiia jáne jylý kózi qalypty jumys istep tur. Temirtaý qalasyndaǵy 2-JEO-da búginde bes qazandyq pen úsh týrbina jumys istep tur. №1 qazandyq pen bir týrbina jóndeýden ótip jatyr", – deidi Erbol Tóleýov.
Onyń aitýynsha, stansalarda kómir men mazýt jetkilikti.
Ermaǵanbet Bólekpaev barlyq qazandyq pen áleýmettik qamsyzdandyrý nysanynda táýlik boiy kezekshilik uiymdastyrýdy tapsyrdy.
"Ómirlik mańyzy bar nysandardyń jumysyna baqylaýdy kúsheitý qajet. Taǵy da energetikalyq qadaǵalaýmen birge barlyq JEO qarańyz. Tótenshe jaǵdai oryn alǵan jaǵdaida jedel toptar daiyn bolýy kerek", – dedi óńir basshysy.
