Qazaqstan quramasynyń bas bapkeri Stanimir Stoilov jankúierlerdi eýrokýbok týrnirleriniń jaýapty matchtarynda «Astana» men «Qairat» komandalaryna qoldaý kórsetýge shaqyrdy, dep habarlaidy "Ult aqparat" Qazaqstan fýtbol federatsiiasynyń saityna silteme jasap.
«Eýropalyq týrnir úshinshi biliktilik kezeńderiniń alǵashqy matchtarynyń nátijesi boiynsha, «Astana» men «Qairat» qarsylastarynan jeńilis tapty. Zamanaýi fýtbolda barlyǵy da múmkin, sondyqtan «Astananyń» da, «Qairattyń» da jaýapty kezdesýlerde jaqsy nátije kórsetýge múmkindikteri bar.
Kelesi aptada eki klýbymyz da bar kúshin salyp, sońyna deiin berispeitinderine senimdimin. Alaida «Astana» men «Qairattyń» qarsylastary osal emes ekenin umytpaý kerek. Alǵashqy matchtar buǵan dálel. Degenmen, «Qairat» pen «Astana» eki matchtyń nátijesi boiynsha ary qarai ótedi dep senemin. Qos klýtyń barlyq jankúierin fýtbolshylarymyzǵa qoldaý kórsetip, senimderin joǵaltpaýlaryn suraimyn!», - dedi Stoilov.
Eske salaiyq, «Astana» komandasy Chempiondar ligasynyń úshinshi irikteý kezeńinde óz alańynda zagrebtik «Dinamoǵa» jeńisti bergen edi. Almatylyq «Qairat» Eýropa Ligasynyń dál osyndai kezeńinde chehiialyq «Sigmadan» jeńilip qaldy. Jaýap matchtar kelesi aptada ótedi.
