Jarylys bolǵan jerde júrgen adamdar. Stambýl, Túrkiia, 10 jeltoqsan 2016 jyl.
Túrkiianyń Ystambul qalasynda senbiniń keshinde bolǵan eki jarylystan keminde 29 adam qaza taýyp, 166 adam jaralanǵan. Túrkiia ishki ister ministri Sýleiman Soilýdyń aitýynsha, mert bolǵandardyń 27-si – politsiia qyzmetkerleri. Ol jarylysqa bailanysty on adam ustalǵanyn aitqan.
Bilik ókiliniń sózinshe, túrkiialyq «Beshiktash» jáne «Býrsaspor» fýtbol komandalary arasynda oiyn ótip jatqan Vodafone Arena stadiony mańynda politsiianyń arnaiy jasaǵy otyrǵan avtobýstyń qasynda turǵan kólikte jarylǵysh zat iske qosylǵan. Odan zardap shekkenderdiń kóbi politsiia qyzmetkerleri dep habarlandy.
Budan keiin stadionnan kórermender shyǵyp jatqan sátte ekinshi stadion janyndaǵy baqta ekinshi jarylys bolǵan. Politsiianyń habarlaýynsha, bul jarylysty jankeshti jasaǵan.
Túrkiia kólik ministri Ahmet Arslan Twitter áleýmettik jelisindegi jazbasynda Ystambuldaǵy jarylystardy «terakt» dep ataǵan.
Ázirshe bul jarylystarǵa jaýapkershilikti eshkim alǵan joq.
