Shyǵys Qazaqstan oblysynyń Ulan aýdanynda politseiler esirtki quramdy ósimdikterdi zańsyz ósirgen kúdiktini ustady, dep habarlaidy ult.kz.
«Qarasora-2026» jedel-profilaktikalyq is-sharasy barysynda Tavricheskoe aýylyndaǵy jeke turǵyn úilerdiń birinen esirtki plantatsiiasy anyqtalǵan.
Polisia.kz málimetinshe, 41 jastaǵy aýyl turǵyny internet arqyly sora tuqymdaryn satyp alyp, olardy úi jaǵdaiynda ósirgen. Er adam ósimdikterdi baptaý úshin eski kir jýǵysh mashinany shaǵyn jylyjaiǵa ainaldyrǵan.
Tintý kezinde ShQO politsiia departamentiniń esirtki qylmysyna qarsy is-qimyl basqarmasy men Ulan aýdandyq politsiia bóliminiń qyzmetkerleri 34 túp sora ósimdigin, esirtki tutynýǵa arnalǵan qurylǵyny jáne garajdan iri kólemdegi keptirilgen marihýanany tárkiledi.
Saraptama qorytyndysyna sáikes, tárkilengen ósimdikterdiń barlyǵy kannabis ekeni anyqtalǵan. Jasyl kúiindegi ósimdikterdiń jalpy salmaǵy 50,94 gramm bolsa, keptirilgen marihýananyń salmaǵy 16 kelini quraǵan.
Qazirgi ýaqytta atalǵan derek boiynsha sotqa deiingi tergeý amaldary júrgizilip jatyr.
Politsiia esirtki quramdy ósimdikterdi zańsyz ósirý qylmystyq jaýapkershilikke ákep soǵatynyn eske salyp, mundai quqyq buzýshylyqtardyń aldyn alý baǵytyndaǵy jumystar turaqty túrde jalǵasyp jatqanyn málimdedi.
Eske salaiyq, buǵan deiin Tájikstan–Aýǵanstan shekarasynda 1,5 tonnadan astam esirtki tárkilengeni habarlanǵan bolatyn.
