QR Densaýlyq saqtaý ministrliginiń Meditsinalyq jáne farmatsevtikalyq baqylaý komiteti koronavirýsqa qarsy reseilik «Gam-Kovid-Vak» («Spýtnik V») jańa vaktsinasynyń erekshelikteri týraly aityp berdi. Qazirgi ýaqytta vaktsinany saqtaý jáne logistika máselesi sheshilýde, dep habarlaidy QazAqparat.
«Gam-Kovid-Vak» («Spýtnik V») koronavirýsqa qarsy vektorlyq vaktsinany Reseidiń N. F.Gamaleia atyndaǵy epidemiologiia jáne mikrobiologiia ulttyq zertteý ortalyǵy ázirledi. Qaraǵandy farmatsevtikalyq kesheni osy vaktsinany shyǵaratyn alań retinde tańdaldy. Búgingi tańda logistika máselesi sheshilýde, óitkeni «Spýtnik V» vaktsinasynyń basty ereksheligi – ampýlalardy -20 gradýs temperatýrada saqtaý kerek.
«Óndiris tehnologiiasynyń ereksheligi – ónimdi shuǵyl muzdatý qajettiliginde. Temperatýra men ýaqyttyń belgili bir kestesi bar. Aldymen flakon 0 gradýsqa deiin salqyndatylady. Sodan keiin -35 gardýspen jeldetkishter arqyly jyldam muzdatylady, ol bir saǵat ishinde qatyp qalýy tiis. Sodan keiin biz olardy qoraptarǵa salyp, tońazytqysh kameralarǵa salamyz», - dep túsindirdi «Qaraǵandy farmatsevtikalyq kesheni» JShS bas direktory Sergei Baron.
Osy maqsatta qaraǵandylyq kompaniia arnaiy óndiristik tońazytqyshtardy satyp alǵan.
Búgingi tańda QR Densaýlyq saqtaý ministrligi vaktsinany meditsinalyq mekemelerge jetkizý máselesin oilastyrýda.
«Memleket basshylary atalǵan vaktsinany QR-da shyǵarý týraly ýaǵdalasqan kezde Densaýlyq saqtaý ministriniń birinshi orynbasary bastaǵan jumys toby quryldy. Qazirgi ýaqytta biz osy máselelerdiń barlyǵyn áli de pysyqtap jatyrmyz. Rekordty qysqa merzimde tájiribeli seriianyń jumysy jolǵa qoiyldy. Al qazir vaktsinany tómen temperatýrada saqtaý kerektigin eskere otyryp, saqtaý jáne logistika máseleleri pysyqtalýda. Aita ketý kerek, bizde biryńǵai distribiýtor bar, olardyń habtarynda tońazytqysh qondyrǵylary bar. Al egý kabinetterine deiin jetkizý máselesin óńirler men qalalardyń Densaýlyq saqtaý basqarmalary sheshedi. Vaktsinalardy saqtaý úshin termobokstar satyp alý múmkindigi qarastyrylýda», - dep túsindirdi QR DSM Meditsinalyq jáne farmatsevtikalyq baqylaý komiteti tóraǵasynyń orynbasary Nurlybek Asylbekov.
