Elimizde «Spýtnik V» vaktsinasy II-komponentiniń tapshylyǵy joq. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
Ortalyq kommýnikatsiialar qyzmetindegi brifing barysynda BAQ ókilderi ministrge «Spýtnik V» vaktsinasy II-komponentiniń tapshylyǵy Almaty qalasynda bar ekendigin aitqan bolatyn.
«Búginde Qazaqstanda ekinshi komponentiń 1 mln 200 myń dozasy bar. Ol elimizdiń barlyq óńirinde jetkilikti. Qazir ǵana áriptesterim Almatyda ekinshi komponenttiń 36 myń dozasy bar ekendigin aityp otyr. Buǵan qosa, Qaraǵandy farmatsevtika daýysy da jetkizip jatyr. Ol da shyǵarady jáne vaktsinany kestege sai alyp jatyrmyz. Qazaqstanda ekinshi komponent boiynsha úzilis esh ýaqytta bolǵan emes. Ony barlyq ýaqytta alýǵa bolady», - dedi ministr.
Sonymen qatar ol «Spýtnik V» vaktsinasy II-komponentiniń tapshylyǵy esh ýaqytta bolmaǵandyǵyn basa aitty.
«Bizde barlyq kestesi bar. Tolyqtai alǵanda, Almatyda esh ýaqytta ekinshi dozada úzilis bolǵan joq. Jalpy, Qazaqstanda táýligine 800 myń dozadan tómendegen emes», - dedi Aleksei Tsoi.
