Aqtóbe oblysynyń qylmystyq ister jónindegi mamandandyrylǵan aýdanaralyq sotynda sottalýshy Serik Sádýovke qatysty istiń úkimi shyqty. Ol 22 jylǵa bas bostandyǵynan aiyryldy, dep habarlaidy "Ult aqparat".
Sottalýshy Serik Sádýovke qatysty Qylmystyq kodekstiń «Atys qarýyn zańsyz iemdený, saqtaý, tasymaldaý jáne alyp júrý», «Adam óltirýge oqtalý», «Buzaqylyq nietpen adam óltirý» baptary boiynsha aiyp taǵylyp, qylmystyq isti qarady.
«Sot Serik Sádýovtiń eki oq-dárisi bar 16 kalibrli «IJ-K» sholaq myltyqty zańsyz iemdengenin, saqtaǵanyn, tasymaldaǵanyn jáne alyp júrgenin anyqtady. 2021 jyldyń 4 aqpanynda Serik Sádýov sholaqmyltyqpen jábirlenýshi J-ny atqan. Ol qashyp qutyldy, tiri qaldy. Sol kúni Sádýov jábirlenýshi H-nyń ishine oq atyp, ol sol jerde qaza tapty. Sádýovtiń kinási jábirlenýshiniń, kýágerlerdiń aiǵaqtarymen, sot saraptamalarynyń qorytyndylarymen, zattai dáleldemelermen dáleldendi. Prokýror Sádýovti 22 jylǵa bas bostandyǵynan aiyrýdy surady. Sádýov qylmysty mas kúiinde jasaǵan. Ol jazany aýyrlatatyn aiǵaq. Jazasyn qylmystyq-atqarý júiesiniń qaýipsizdigi barynsha joǵary mekemesinde óteidi. Serik Sádýov 22 jylǵa bas bostandyǵynan aiyryldy», - dep habarlady Aqtóbe oblysynyń qylmystyq ister jónindegi mamandandyrylǵan aýdanaralyq soty.
Aita keteiik, jábirlenýshilerdiń paidasyna moraldyq zalal óndirildi. Úkim zańdy kúshine engen joq.
