Foto: Almaty ákimdigi
Sport jýrnalisi Raýan Oqas Almatyda ótken halyqaralyq fýtbol matchynda «Almaty stolitsa mira» dep orys tilinde urandatqan jankúierlerdi synady, dep habarlaidy Ult.kz Ara.Media.kaz paraqshasyna silteme jasap.
Onyń aitýynsha, halyqaralyq deńgeidegi matchta «Qairat» jankúierleriniń oryssha urandatqany – uiat.
«Filologtar shaqyryp, fanattar tobymen jumys isteýge bolar edi. Qazaqtyń sózi bai, stadionda aitýǵa bolatyn laiyqty ánder bar», – dep jazdy jýrnalist.
Raýan Oqas halyqaralyq match kezinde sheteldik áriptesteriniń aldynda uialǵanyn da aitty.
«Almaty stolitsa mira emes, álemniń de, Qazaqstannyń da astanasy emes. Almaty jai ǵana álem qalasy. Oǵan asa bir midyń qajeti joq», – dep jazdy ol.
Jýrnalist Reseilik BAQ ókilderiniń de bul jaǵdaidy durys emes dep atap ótkenin jetkizdi.
