Búgin QR Mədeniet jəne sport ministri Aqtoty Raiymqulova vedomstvoǵa baǵynysty uiym basshylarymen ZOOM platformasy arqyly Prezident Qasym-Jomart Toqaevtyń Qazaqstan halqyna jyl saiynǵy dástúrli Joldaýyn talqylady, dep habarlaidy "Ult aqparat".
Atalǵan vedomstvo baspasóz qyzmetiniń málimetinshe, jiynda ministr Memleket basshysynyń Joldaýy 2020 jylǵy syn-qaterlerge bergen senimdi jaýaby bolǵanyn jáne ulttyq maqsat-mindetterge qol jetkizý úshin memlekettik organdar qyzmetiniń negizgi baǵyttaryn aiqyndap bergenin jetkizdi.
«Memleket basshysy óz Joldaýynda ekonomika halyqtyń əleýmettik jaǵdaiyn jaqsartýǵa, qoǵam suranysyn qanaǵattandyrýǵa baǵyttalýy keregine erekshe nazar aýdardy. Sonymen qatar Prezident əlemdik pandemiia kózqarasymyzǵa úlken ózgerister engizgenin aitty.
Joldaýda Memleket basshysy buqaralyq sportqa bailanysty birqatar atqarylatyn jumys legin pysyqtap, qazirgi jaǵdaida kəsibi sport klýbtaryn memleket tarapynan qarjylandyrýdyń qajeti joǵyn ashyp kórsetti. Biz óz kezeginde óńirlerde sportty damytý, balalardyń shyǵarmashylyq əleýetin arttyrý baǵytynda keshendi sharalardy jalǵastyrýymyz kerek. Tegin sport sektsiialaryn ashý, mektep jəne stýdentter ligasyn qurý, mektepterdi sport qural-jabdyqtarmen qamtamasyz etý syndy mańyzdy məselelerdi sheshý maqsatynda 2020-2025 jyldar aralyǵynda Dene shynyqtyrý men buqaralyq sportty damytýǵa arnalǵan keshendi jospardy iske asyrýdyń mańyzy zor.
Bul rette, atqarylyp jatqan jumystar da nətijesin berip otyr. Məselen, ótken jyly 11 balalar men jasóspirimderge arnalǵan sport mektebi ashyldy. Jalpy respýblika aýmaǵynda 350 myńnan astam jasóspirimdi tárbielep jatqan 477 sport mektebi jumys isteidi. Al bul mekemelerde sektsiialar tegin júrgiziledi. Balanyń shyǵarmashylyq qabiletin damytýǵa keler bolsaq, aldaǵy ýaqytta óńirlerde ulttyq qolóner ortalyqtary boi kóteredi. Mysaly, osy baǵytta jumys istep kele jatqan Jambyl oblysyndaǵy «Shahrestan» ortalyǵyn aitar edim. Bul jerde ulttyq qolónerdi jandandyrýǵa jaǵdai jasalyp keledi», - dedi Aqtoty Raiymqulova.
Sonymen qatar ministr Joldaýda muǵalimderdiń jalaqysyn arttyrý boiynsha tiisti jumystar júrgizip jatqanyn tilge tiek etti.
«Joldaýda Prezident 2021 jyldyń 1 qańtarynan bastap muǵalimder jalaqysyn 25 paiyzǵa arttyrý jaily tapsyrma berdi. 2020 jyly 1 qańtardan bastap mádeniet jáne sport salasyndaǵy mamandandyrylǵan mektep men kolledj qyzmetkerleriniń jalaqysy 2023 jylǵa deiin jyl saiyn 25% ulǵaiatyn bolady. Sonymen qatar memlekettik bilim berý uiymynyń pedagogtaryna sabaqtan tys sport sabaqtaryn júrgizgeni úshin bazalyq laýazymdyq jalaqydan 100 paiyz mólsherinde qosymsha aqy engizý máselesi pysyqtalyp jatyr. Azamattardyń saýattylyq deńgeiin arttyrý maqsatynda úzdiksiz bilim berý tujyrymdamasyn ázirleý tapsyryldy. Bul baǵytta ministrlik beiresmi bilim berýdiń balama nusqalaryn engizý boiynsha jumys júrgizip keledi. Sonymen qatar www.mmura.kz portalynda «Ulaǵatty urpaq» mádeni-bilim berý platformasy jumys isteidi, joba básekege qabiletti kópmádenietti tulǵany jandandyrý úshin oqýshylardyń mádeni-adamgershilik qasietterin damytýǵa baǵyttalǵan. Joba sheńberinde mádeni aǵartýdyń jańa formaty qurylady, oqýshylardyń eldiń mádeni bailyǵy týraly jalpy bilim deńgeii artady jáne kórkemdik talǵamyn damytady, daryndy oqýshylar úshin áleýmettik lift múmkindigi beriledi», - dedi ministr.
