QR Sybailas jemqorlyqqa qarys is-qimyl agenttigi men QR Sport jáne dene shynyqtyrý isteri komitetiniń ókilderi jemqorlyqtyń aldyn alý máselelerin talqylady, dep habarlaidy QazAqparat tilshisi.
Sybailas jemqorlyqqa qarsy is-qimyl agenttiginiń departament basshysynyń orynbasary Baýyrjan Balǵabekovtiń aitýynsha, salaǵa bólingen memleket qarajaty kóp jaǵdaida tiimdi igerilmei otyr.
«Jyl saiyn bul salaǵa biýdjetten 60-80 mlrd teńge bólinedi. Ókinishke orai, sonyń bári maqsatyna sai igerilip jatqan joq. 2018-2019 jyldar aralyǵynda Sybailas jemqorlyqqa qarsy is-qimyl qyzmetiniń qaraýyna 39 sotqa deiingi óndiris qujattary tústi. Onyń kóbi –aqsha jymqyrý, qyzmetin asyra paidalaný, para alý jáne apara berý faktilerimen bailanysty», - degen agenttik ókili olardyń arasynda basshylyq laýazymdaǵy qyzmetkerler de, bapkerler de bar ekenin atady.
«Mysaly biyl Shtattyq ulttyq komandalar jáne sport rezervi direktsiiasynyń direktory Janpeiisov oqý-jattyǵý forýmdaryn ótkizý týraly jalǵan qujat jasaý arqyly 139 mln. teńge iemdengeni úshin ustaldy. Al Batys Qazaqstan oblysynda sport jáne dene shynyqtyrý basqarmasynyń basshysy Shaiahmetov pen bólim basshysy sport mektepteriniń bapkerlerinen zańsyz aqsha jinaǵan. Syrdariia aýdandyq mamandandyrylǵan olimpiadalyq rezerv mektebiniń direktory 50 myń teńge para alǵan úshin sottaldy», - dedi Baýyrjan Balǵabekov.
