قر سىبايلاس جەمقورلىققا قارىس ٸس-قيمىل اگەنتتٸگٸ مەن قر سپورت جەنە دەنە شىنىقتىرۋ ٸستەرٸ كوميتەتٸنٸڭ ٶكٸلدەرٸ جەمقورلىقتىڭ الدىن الۋ مەسەلەلەرٸن تالقىلادى, دەپ حابارلايدى قازاقپارات تٸلشٸسٸ.
سىبايلاس جەمقورلىققا قارسى ٸس-قيمىل اگەنتتٸگٸنٸڭ دەپارتامەنت باسشىسىنىڭ ورىنباسارى باۋىرجان بالعابەكوۆتٸڭ ايتۋىنشا, سالاعا بٶلٸنگەن مەملەكەت قاراجاتى كٶپ جاعدايدا تيٸمدٸ يگەرٸلمەي وتىر.
«جىل سايىن بۇل سالاعا بيۋدجەتتەن 60-80 ملرد تەڭگە بٶلٸنەدٸ. ٶكٸنٸشكە وراي, سونىڭ بەرٸ ماقساتىنا ساي يگەرٸلٸپ جاتقان جوق. 2018-2019 جىلدار ارالىعىندا سىبايلاس جەمقورلىققا قارسى ٸس-قيمىل قىزمەتٸنٸڭ قاراۋىنا 39 سوتقا دەيٸنگٸ ٶندٸرٸس قۇجاتتارى تٷستٸ. ونىڭ كٶبٸ –اقشا جىمقىرۋ, قىزمەتٸن اسىرا پايدالانۋ, پارا الۋ جەنە اپارا بەرۋ فاكتٸلەرٸمەن بايلانىستى», - دەگەن اگەنتتٸك ٶكٸلٸ ولاردىڭ اراسىندا باسشىلىق لاۋازىمداعى قىزمەتكەرلەر دە, باپكەرلەر دە بار ەكەنٸن اتادى.
«مىسالى بيىل شتاتتىق ۇلتتىق كوماندالار جەنە سپورت رەزەرۆٸ ديرەكتسيياسىنىڭ ديرەكتورى جانپەيٸسوۆ وقۋ-جاتتىعۋ فورۋمدارىن ٶتكٸزۋ تۋرالى جالعان قۇجات جاساۋ ارقىلى 139 ملن. تەڭگە يەمدەنگەنٸ ٷشٸن ۇستالدى. ال باتىس قازاقستان وبلىسىندا سپورت جەنە دەنە شىنىقتىرۋ باسقارماسىنىڭ باسشىسى شاياحمەتوۆ پەن بٶلٸم باسشىسى سپورت مەكتەپتەرٸنٸڭ باپكەرلەرٸنەن زاڭسىز اقشا جيناعان. سىردارييا اۋداندىق مامانداندىرىلعان وليمپيادالىق رەزەرۆ مەكتەبٸنٸڭ ديرەكتورى 50 مىڭ تەڭگە پارا العان ٷشٸن سوتتالدى», - دەدٸ باۋىرجان بالعابەكوۆ.
