Foto: kursiv.media
S&P Global Ratings halyqaralyq agenttigi «Fridom Finans» AQ-tyń, Freedom Finance Global PLC kompaniiasynyń, Freedom Finance Europe Ltd jáne «Fridom Bank Qazaqstan» AQ-tyń reitingteri boiynsha boljamdardy «turaqty» boljamynan «oń» boljamyna qaita qarap, táýekeldi basqarý jáne komplaens júiesin kúsheitý aiasynda uzaq merzimdi jáne qysqa merzimdi reitingterdi «B+/B» deńgeiinde rastady. Ulttyq shkala boiynsha «Fridom Finans» AQ-tyń jáne «Fridom Bank Qazaqstan» AQ-tyń reitingteri «kzBBB-»-ten bastap «kzBBB+»-ke deiin kóterildi. Freedom Holding Corp. kompaniiasynyń reitingi «V-» deńgeiinde rastaldy.Reitingter boiynsha «oń» boljam táýekel men komplaenstyń jalpy júiesin qurýdaǵy, sondai-aq osy fýnktsiialardy enshiles qarjy kompaniialary deńgeiinde nyǵaitýdaǵy aitarlyqtai ilgerileýdi kórsetedi.
Atap aitqanda, agenttik Holdingtiń táýekeldi basqarý saiasatyn, táýekel dárejesi týraly málimdemelerdi, sanktsiialyq táýekeldi basqarý jónindegi saiasatty jáne osyndai táýekeldi baǵalaý ádisnamasyn bekitýin, sondai-aq enshiles kompaniialardyń jergilikti saiasatyn bekitilgen toptyq qujattarmen sinhrondaý protsesin atap ótti.
Agenttik taldaýshylarynyń pikirinshe, bul sanktsiialardy saqtaý, kiber-qaýipsizdik, bedeldi, retteýshi jáne kriptovaliýtalyq táýekel siiaqty salalardy qosqanda Top deńgeiindegi táýekeldi muqiiat qadaǵalaýǵa jáne baqylaýǵa múmkindik beredi.
Sondai-aq agenttik Toptyń kapitaldandyrý jáne kiristilik kórsetkishterin kúshti dep sanaýdy jalǵastyrýda, bul táýekeldi eskere otyryp túzetilgen kapital koeffitsientimen (risk adjusted capital - RAC) shamamen 13% mólsherinde jáne 2025 jylǵy 31 naýryzdaǵy jaǵdai boiynsha 2,6% mólsherinde negizgi qyzmetten alynǵan ortasha paidanyń táýekel dárejesi boiynsha mólsherlengen aktivterge araqatynasymen rastalady.
Búgingi tańda Freedom Broker – brendi tanymal jáne naryqtyq úlesi shamamen 50%-dy quraityn Qazaqstandaǵy eń iri bólshek jáne institýtsionaldyq broker. 2025 jylǵy 31 naýryzdaǵy jaǵdai boiynsha Qazaqstannyń azamattary toptyń dúnie júzindegi 683 000 bólshek brokerlik klientiniń shamamen 30%-yn quraidy.
«Eger biz Toptyń táýekeldi basqarý jáne komplaens júiesi jetilýin jalǵastyrady, Top óziniń baǵaly qaǵazdar portfeli men klientteriniń ósimi úshin ortasha táýekel dárejesin saqtaidy, al bizdiń RAC koeffitsienti 10%-dan joǵary bolyp qalady jáne Top óziniń tabystylyǵyn qalpyna keltiredi jáne S&P Global esebinde óziniń maqsatty ósý strategiiasyn iske asyrýdy jalǵastyrady dep qorytyndy jasasaq, biz aldaǵy 12 aida jumys isteitin enshiles kompaniialardyń reitingterin kóteremiz», - delingen S&P Global Ratings esebinde.
