Túrkistan oblysy, Sozaq aýdanyndaǵy ýran óndirýshi kompaniianyń 90 jumysshysynan koronavirýs anyqtaldy. Bul týraly óńirdiń bas sanitar dárigeri Nurbek Nyshanov málimdedi, dep habarlaidy "Ult aqparat".
Nurbek Nyshanovtyń aitýynsha, qazirgi tańda atalǵan kásiporynnyń «Moiynqum» men «Tórtqudyq» óndiristik ýchaskelerinde karantindik rejim kúsheitilgen. 600-den asa qyzmetker arnaiy meditsinalyq tekserýden ótkizilgen. Óńirde jyl basynan beri 335 adam COVID-19 juqtyrsa, mamandar kórsetkish kún sanap artyp otyrǵanyn aitady. Máselen, oqý jyly bastalǵaly beri mektep oqýshylary arasynda 79 indet juqtyrý jaǵdaiy anyqtalyp, naýqastardyń basym bóligi onlain oqý kezinde juqtyrǵany belgili bolǵan. Ustazdardyń arasynda da indetke shaldyqqandary tirkelgen. Oblysta virýsty ásirese otbasyda jappai juqtyrý derekteri kóbeigen.
«Maqtaaral aýdanynda bir januiada bes nemese úsh adam virýs juqtyrǵan jaǵdai boldy. Ondai jaǵdai sondai-aq, Sairam jáne Saryaǵash aýdanynda da tirkeldi. Bul naýqastardyń barlyǵy esepke alynyp. dárigerlik baqylaýǵa alynǵan. Úi jaǵdaiynda karantinge alyndy.
