Qoǵam qairatkeri Muhtar Taijan jazasyn ótegen qazaqstandyqtardyń quqyǵy shektelip otyrǵanyn málim etti, dep habarlaidy QazAqparat.
Búgin ótken «Ashyqtyq. Aiqyndyq. Sybailas jemqorlyqqa qarsy áreket» atty dóńgelek ústelde qoǵam qairatkeri Muhtar Taijan jazasyn ótegen jandardyń azamattyq quqyǵy taptalyp jatqanyn aitty.
«Jazasyn ótep shyqqan adamdar 5-7 jyl jeke sáikestendirý nómirinsiz ómir súrýge májbúr. Osynyń saldarynan ne senimhat jaza almaidy, kóligin nemese ózin saqtandyra almaidy. Qoldanystaǵy zańnama olardy osylaisha zańdastyrylmaǵan ortaǵa yǵystyryp tastaǵan. Olar «kóleńkege» ketýge májbúr. Jeke sáikestendirý nómiri bolmaǵan soń olar zańdy jolmen jumysqa da ornalasa almaidy. Tipti taksishi bolyp ta jumys isteýge quqyǵy joq. Bul qazirgi zańnamaǵa kelip tireledi. Zańnamada osy olqylyq eskerilip, túzetilýi kerek», - dedi Muhtar Taijan.
